30 مامىر, 10:32 585 0 جاھان انار لەپەسوۆا

پاندەميا سالدارىنان يتاليا ءتۋريزمى تابىسىنىڭ 80 پايىزىنان قاعىلماق

كوروناۆيرۋس پاندەمياسى سالدارىنان يتاليادا ءبىر ميلليونعا جۋىق جۇمىس ورنى قىسقارۋى مۇمكىن. ەل ونەركاسىبىنىڭ جالپىعا بىردەي كونفەدەراتسياسىنىڭ باسشىسى وسىنداي بولجام ايتتى.  

ەلدە ءتۋريزمنىڭ دە جاعدايى الاڭداتارلىق. ماماندار بۇل سالاداعى تابىس كولەمى وتكەن جىلمەن سالىستىرعاندا 80 پايىزعا ازاياتىنىن بولجاپ وتىر. تۋريستىك سەكتوردىڭ ىشكى جالپى ونىمدەگى ۇلەسى 15 پايىز شاماسىندا. بۇل سالا ەلدە 4 ميلليونعا جۋىق ادامدى جۇمىسپەن قامتىپ وتىر.

ەل بيلىگى 3 ماۋسىمنان باستاپ يتاليالىقتارعا ەل ىشىندە ساياحاتتاۋعا رۇقسات بەردى. الايدا 2020 جىلدىڭ سوڭىنا دەيىن مەملەكەت شەتەلدىك تۋريستەرگە شەكاراسىن اشپايدى.

ايتا كەتەيىك، بۇعان دەيىن قر مادەنيەت جانە سپورت مينيسترلىگى كوروناۆيرۋس ىندەتىنىڭ سالدارىنان قازاقستان ءتۋريزمى بيىل تابىسىنىڭ 70-80 پايىزىن جوعالۋى مۇمكىن ەكەنىن بولجاعان.

سوڭعى جاڭالىقتار