29 مامىر, 14:52 694 0 جاھان انار لەپەسوۆا

COVID-19: رەسەيدە 4374 ناۋقاس كوز جۇمدى

وتكەن تاۋلىكتە رەسەيدە كوروناۆيرۋس ىندەتىن جۇقتىرۋدىڭ 8572 جاڭا دەرەگى تىركەلدى. ناۋقاستاردىڭ 39,4 پايىزىندا اۋرۋدىڭ كلينيكالىق بەلگىلەرى بايقالماعان. بۇل تۋرالى ەلدەگى ىندەتپەن كۇرەس جونىندەگى جەدەل شتاب حابارلادى.

سونداي-اق، ءبىر تاۋلىكتە كوروناۆيرۋستان 232 ادامنىڭ كوز جۇمعانى بەلگىلى بولدى. ال ەمدەلىپ شىققاندار سانى – 8264.

ىندەت تارالعالى ەلدە بارلىعى 387 623 ناۋقاس تىركەلگەن. قاتەرلى ۆيرۋستان 4374 ادام كوز جۇمىپ، 159 257 ادام ايىققان.

ايتا كەتەيىك، الەم بويىنشا كوروناۆيرۋس جۇقتىرعاندار سانى 5 816 706-عا جەتتى. دجونس حوپكينس ۋنيۆەرسيتەتىنىڭ دەرەگىنشە، ىندەتتەن دۇنيە جۇزىندە 360 437 ادام قايتىس بولعان.

ال قازاقستاندا قاتەرلى ۆيرۋس 9932 ادامنان انىقتالدى. وتكەن تاۋلىكتە ىندەت جۇقتىرۋدىڭ 356 جاڭا دەرەگى تىركەلدى.

سوڭعى جاڭالىقتار