29 مامىر, 12:54 421 0 ەكونوميكا انار لەپەسوۆا

اۋىلشارۋاشىلىق ونىمدەرىن ەكسپورتتاۋعا قاتىستى شەكتەۋلەر قاشان الىناتىنى بەلگىلى بولدى

1 ماۋسىمنان باستاپ اۋىلشارۋاشىلىق ونىمدەرىن ەكسپورتتاۋعا بارلىق شەكتەۋلەر الىنىپ تاستالادى. بۇل تۋرالى اشم ءباسپاسوز قىزمەتى حابارلادى.

اۋىل شارۋاشىلىعى مينيسترلىگىندە ۆەدومستۆو باسشىسى بۇيرىقتارىنىڭ ارەكەتىن توقتاتاتىن 2020 جىلدىڭ 2 ساۋىرىندەگى  №111 «قازاقستان رەسپۋبليكاسى اۋماعىنان جەكەلەگەن تاۋارلاردى شىعارۋدىڭ كەيبىر ماسەلەلەرى تۋرالى» جانە 2020  جىلدىڭ 2 ساۋىرىندەگى №123 «قر اۋىل شارۋاشىلىعى ءمينيسترىنىڭ بۇيرىقتارىنا وزگەرتۋلەر ەنگىزۋ تۋرالى»، 2020 جىلدىڭ 14 ساۋىرىندەگى «قازاقستان رەسپۋبليكاسى اۋماعىنان جەكەلەگەن تاۋارلاردى شىعارۋدىڭ كەيبىر ماسەلەلەرى تۋرالى»  نورماتيۆتىك قۇقىقتىق اكت ازىرلەندى.

ەكسپورتتىق شەكتەۋلەردى الىپ تاستاۋ تۋرالى جاڭا بۇيرىق 2020 جىلدىڭ 1 ماۋسىمىنان باستاپ كۇشىنە ەنەدى.  قۇجات قر اشم رەسمي سايتىندا جاريالانعان.

ەستەرىڭىزگە سالا كەتەيىك، بۇعان دەيىن قازاقستاندا توتەنشە جاعدايدىڭ ەنگىزىلۋىنە جانە مەملەكەت باسشىسىنىڭ ىشكى نارىقتا الەۋمەتتىك ماڭىزى بار ازىق-تۇلىك تاۋارلارىنىڭ جەتىسپەۋشىلىگىن بولدىرماۋ تۋرالى بۇيرىعىنا بايلانىستى، قر اۋىل شارۋاشىلىعى مينيسترلىگى ازىق-تۇلىك قاۋىپسىزدىگى سەبەپتەرى بويىنشا جانە ەگىن جيناۋ الدىندا جەتكىلىكتى قوردى ساقتاۋ ماقساتىندا اۋىلشارۋاشىلىق ەكسپورتىن ۋاقىتشا رەتتەۋدى ەنگىزگەن بولاتىن.

سوڭعى جاڭالىقتار