28 مامىر, 15:51 320 0 جاھان انار لەپەسوۆا

"تۋريستەردەن قورقامىز": سوچي تۇرعىندارى قالانى جابۋدى تالاپ ەتۋدە

رەسەيدىڭ سوچي قالاسىنىڭ تۇرعىندارى جەرگىلىكتى بيلىكتىڭ ماۋسىمنىڭ باسىندا كۋروتتىق ماۋسىمدى اشۋ تۋرالى شەشىمىنە قارسى شىقتى. سوچيلىقتاردىڭ پىكىرىنشە، كوروناۆيرۋس پاندەمياسى كەزىندە بۇل دۇرىس شەشىم ەمەس، دەپ حابارلايدى «كاۆكازسكي ۋزەل» باسىلىمى.

«ءبىز سىرتتان كەلەتىندەردەن قورقامىز. دەمالۋشىلار ءنوپىرى قاۋىپتى. ىندەتتىڭ تارالۋى توقتاعانشا قالانى جابۋ كەرەك»، — دەيدى باسىلىمعا پىكىر بىلدىرگەن جەرگىلىكتى تۇرعىنداردىڭ ءبىرى.

ال قالاداعى رەستوراتورلاردىڭ ءبىرى قازىرگىدەي كۇردەلى احۋال كەزىندە تۋريستىك ماۋسىمدى اشۋ اقىلعا سىيمايتىنىن ايتادى. «مەنىڭ بيزنەسىم قۇردىمعا كەتتى. بىراق وندا ەشكىمنىڭ جۇمىسى جوق»، — دەيدى ول.

الايدا سوچيعا ەلدىڭ باسقا وڭىرلەرىنەن تۇراقتى جانە ۋاقىتشا تۋرۋعا كەلگەندەر قالانى جابۋ بيىل ونسىز دا كوپ يگىلىكتەن قاعىلعان رەسەيلىكتەردى قۋانتا قويمايتىنىن ايتىپتى.

27 مامىردا رەسەيلىك تۋريستەر پاندەمياعا قاراماستان جازدا جاپپاي تەڭىز جاعاسىندا دەمالۋدى جوسپارلاپ وتىرعانى تۋرالى حابارلانعان. OneTwoTrip ساياحات قىزمەتى جۇرگىزگەن زەرتتەۋگە سۇيەنسەك، ەڭ كوپ سۇرانىسقا يە كۋرورتتىق قالالار – سوچي مەن اناپا. سونداي-اق، ماسكەۋ، سانكت-پەتەربۋرگ، كراسنودار مەن سيمفەروپولعا بارعىسى كەلەتىندەردىڭ قاتارى دا از ەمەس ەكەن.

سوڭعى جاڭالىقتار