28 مامىر, 12:50 646 0 ءبىلىم انار لەپەسوۆا

ۇبت كەزىندە شپارگالكا قولدانعاندار سىناقتان ءبىرجولا شەتتەتىلەدى

ۇبت كەزىندە شپارگالكامەن ۇستالعاندار سىناقتان شەتتەتىلىپ، قايتا تاپسىرۋ مۇمكىندىگىنەن ايرىلادى. بۇل تۋرالى الماتى قالالىق  بىلىم سالاسىندا ساپانى قامتاماسىز ەتۋ دەپارتامەنتىنىڭ باسشىسى گۇلنارا ەرمەكباەۆا مالىمدەدى. 

«ۇبت وتكىزۋدى ارنايى مونيتورينگ توبىنىڭ مۇشەلەرى باقىلايتىن بولادى. ارتىق اقپارات الۋعا بولاتىن زاتتار، سمارتفوندار، شپارگالكالار تابىلعان جاعدايدا وقۋشى تەستىلەۋدەن اۆتوماتى تۇردە الىنادى. ءتىپتى ودان كەيىن اقىلى تۇردە تاپسىرۋعا دا رۇقسات بەرىلمەيدى»، - دەدى دەپارتامەنت باسشىسى.

گۇلنارا ەرمەكباەۆانىڭ ايتۋىنشا، بيىل الماتىدا ۇبت-عا 14 972 تالاپكەر قاتىسادى. ونىڭ 9044-ءى مەكتەپ تۇلەكتەرى بولسا، قالعانى – ورتا كاسىپتىك ءبىلىم بەرۋ ورىندارىنىڭ بىتىرۋشىلەرى.

سونداي-اق، دەپارتامەنت باسشىسى مەكتەپ بىتىرگەنى تۋرالى اتتەستات 3-4 ماۋسىمدا مەكتەپ قابىرعاسىندا تاپسىرىلاتىنىن اتاپ ءوتتى. شاراعا اتا-انالاردىڭ قاتىسپاۋىنا كەڭەس بەردى. 

ايتا كەتەيىك، جۋىردا ءبىلىم جانە عىلىم مينيسترلىگى بيىل ۇبت-عا قاتىسۋعا نيەت بىلدىرگەن مەكتەپ بىتىرۋشىلەردىڭ كورسەتكىشى جونىنەن رەكورد ورناتىلعانىن مالىمدەدى

رەسپۋبليكا بويىنشا 130 مىڭنان استام ادام ۇبت-عا قاتىسۋعا ءوتىنىش بەرگەن. ونىڭ 20 454-ءى – كوللەدج جانە وتكەن وقۋ جىلدارىنىڭ مەكتەپ تۇلەكتەرى.

ەسكە سالا كەتسەك، بۇعان دەيىن تۇركىستان وبلىسىندا ۇبت-عا 18 634 تۇلەك قاتىساتىنىن حابارلاعانبىز. 

 

سوڭعى جاڭالىقتار