28 مامىر, 10:29 328 0 نۇر وتان انار لەپەسوۆا

Nur Otan: الماتىدا 200-دەن استام نىساندا پارتيالىق باقىلاۋ بەكەتتەرى قۇرىلادى

قر پرەزيدەنتى ق.ك.توقاەۆتىڭ تاپسىرماسىن ورىنداۋ ماقساتىندا ۇكىمەتتىڭ باستاماسىمەن ەل ەكونوميكاسىنداعى پوستپاندەميالىق پروتسەسستەردى ەسكەرە وتىرىپ داعدارىسقا قارسى شارالار وتكىزۋدە.

«Nur Otan» پارتياسى الماتى قالالىق فيليالىنىڭ توراعاسى، قالا اكىمى ب.ساعىنتاەۆ مەردىگەرلىك ۇيىمدار تاۋارلار مەن قىزمەتتەردى ساتىپ الۋ بارىسىندا قازاقستاندىق تاۋارلارمەن قامتاماسىز ەتىلۋىن باقىلاۋ جونىندە تاپسىرما بەردى.

پارتيانىڭ قالالىق فيليالىنىڭ پارتيالىق باقىلاۋ كوميسسياسى جۇمىسپەن قامتۋدىڭ جول كارتاسى اياسىندا داعدارىسقا قارسى وتكىزىلەتىن شارالاردى قاتاڭ باقىلاۋعا الدى. جۇمىسپەن قامتۋدىڭ جول كارتاسى اياسىندا جۇزەگە اسىرىلاتىن نىساندار الماتى قالاسى ماسليحاتىنداعى «Nur Otan» پارتياسىنىڭ دەپۋتاتتىق فراكتسياسى مۇشەلەرىنە بەكىتىلگەن. 200-دەن استام نىساندا پارتيالىق باقىلاۋ بەكەتتەرى قۇرىلاتىن بولادى. بۇل تۋرالى پارتيانىڭ الماتى قالالىق فيليالىنىڭ پارتيالىق باقىلاۋ كوميسسياسىنىڭ ونلاين-رەجيمىندە وتكەن كەزەكتى وتىرىسىندا قالالىق فيليال توراعاسىنىڭ ءبىرىنشى ورىنباسارى ستانيسلاۆ كانكۋروۆ مالىمدەدى.

مونيتورينگتىڭ نەگىزگى ماسەلەسى مەردىگەرلىك ۇيىمداردىڭ تاۋارلار مەن قىزمەتتەردى ساتىپ الۋ بارىسىندا قازاقستاندىق تاۋارلارمەن قامتاماسىز ەتۋ جانە جەرگىلىكتى جۇمىس كۇشىن 100%-عا جەتكىزۋ بولىپ تابىلادى.

بۇگىنگى تاڭدا «Nur Otan» پارتياسىنىڭ اۋداندىق فيليالدارى جانىنان قۇرىلعان مونيتورينگ توپتارى 80-نەن استام نىساندى ارالادى. توپ قۇرامىنا اۋداندىق پارتيالىق باقىلاۋ كوميسسيالارىنىڭ توراعالارى، كاسىپكەرلەر پالاتاسىنىڭ وكىلدەرى، اۋداندىق فيليالدار توراعالارىنىڭ ءبىرىنشى ورىنباسارلارى مەن الماتى قالاسى كاسىپكەرلىك جانە ينۆەستيتسيا باسقارماسىنىڭ وكىلدەرى ەنگىزىلدى.

سونداي-اق، بۇگىن سىبايلاس جەمقورلىققا قارسى جەمقورلىققا قارسى ءىس-قيمىل جونىندەگى قوعامدىق كەڭەستىڭ توراعاسى تۇركسىب اۋدانىنىڭ مونيتورينگتىك توبىمەن بىرلەسىپ، №86 جانە №117 بوبەكجاي-باقشالارى، جاس قانات ىقشام اۋدانىنداعى ساياباق سەكىلدى الەۋمەتتىك-قوعامدىق نىساندارعا باردى.

باقىلاۋ بارىسىندا داعدارىسقا قارسى شارالاردىڭ جەكەلەگەن تالاپتارىن ساقتاماۋ فاكتىلەرى انىقتالدى. ولاردى تۇزەتۋ جۇمىستارى جۇرگىزىلۋدە. پارتيالىق باقىلاۋ كوميسسياسى اتالعان ماسەلەلەردى باقىلاۋدا ۇستاپ وتىر.

سوڭعى جاڭالىقتار