28 مامىر, 09:37 311 0 زاڭ انار لەپەسوۆا

كولىكتى ماس كۇيدە جۇرگىزگەن اتىراۋلىق 1,5 جىلعا سوتتالدى

اتىراۋدا كولىكتى ماس كۇيدە باسقارعان جۇرگىزۋشى 1,5 جىلعا سوتتالدى. بۇل تۋرالى وبلىستىق سوتتىڭ ءباسپاسوز قىزمەتى حابارلادى. 

قۇقىق بۇزۋشى بۇعان دەيىن دە بىرنەشە رەت قىلمىستىق جاۋاپكەرشىلىككە تارتىلعان.

«اتىراۋ قالاسىنىڭ №2 سوتىندا قر قىلمىستىق كودەكسىنىڭ 346-بابى 1-بولىگىمەن ايىپتالعان ازامات بۇرىن 3 جىل مەرزىمگە كولىك قۇرالىن باسقارۋ قۇقىعىنان ايىرىلعان. سوعان قاراماستان، بيىلعى 15 ناۋرىزدا الكوگولدىك ىشىمدىك ءىشىپ، ماس كۇيىندە اۆتوكولىكتى باسقارعان. ايىپتالۋشى وسىعان ۇقساس قۇقىق بۇزۋشىلىق ءۇشىن بىرنەشە رەت قىلمىستىق جاۋاپكەرشىلىككە تارتىلعان. الايدا، ول تۇزەلۋ جولىنا تۇسپەگەن جانە ءتيىستى قورىتىندى جاساماعان. مۇنىڭ ءبارى سوت بارىسىندا ەسكەرىلدى»، - دەپ حابارلادى وبلىستىق سوتتان.

سوت ۇكىمىمەن ايىپتالۋشىعا 1 جىل 6 اي مەرزىمگە باس بوستاندىعىنان ايىرۋ جانە كولىك جۇرگىزۋ قۇقىعىنان ءومىر بويىنا ايىرۋ جازاسى تاعايىندالدى. جازانى وتەۋ ورنى رەتىندە قىلمىستىق-اتقارۋ جۇيەسىنىڭ قاۋىپسىزدىگى بارىنشا تومەن مەكەمەسى بەلگىلەندى.

 

سوڭعى جاڭالىقتار