27 مامىر, 21:05 1456 0 جاڭالىقتار اسىل تۇمار

الاكولدە شومىلۋ ماۋسىمى 13 ماۋسىمنان باستالادى

سۋرەت عالامتوردان الىندى
سۋرەت عالامتوردان الىندى

ايدىندى الاكولدە شومىلۋ ماۋسىمى 13 ماۋسىمنان باستالادى. شيپالى كول ەكى وبلىستىڭ اۋماعىندا ورنالاسقاندىقتان ەكى ءوڭىردىڭ تۋريستىك نىساندارى ءبىر كۇندە جۇمىسىن باستاۋدى جوسپارلاپ وتىر. بۇل تۋرالى  الماتى وبلىسىنىڭ اكىمى اماندىق باتالوۆ مالىمدەدى.

تۋريستەردىڭ كولگە جەتۋىن جىلدامداتۋ ءۇشىن ءۇشارال قالاسىنا نۇر-سۇلتان، الماتى جانە تالدىقورعان قالالارىنان ۇشاقتار قاتىنايدى. سونداي-اق، وبلىس بيۋدجەتىنەن تەمىر جول بايلانىسى سۋبسيديالانباق.

ال جەتىسۋ وڭىرىندەگى كەيبىر تۋريستىك نىساندار ماسەلەن كولساي كولدەرى، التىنەمەل ۇلتتىق پاركتەرى، ۇيعىر اۋدانىنىڭ تەرمالدى سۋلارىنىڭ دەمالىس ورىندارى جۇمىسىن ءبىرىنشى ماۋسىمنان باستاماق. بارلىق تۋريستىك نىسان يەلەرىنە قاۋىپسىزدىك تالاپتارىن قاتاڭ ساقتاۋ مىندەتتەلەدى.

«ءوزىمىز سۋبسيديا ءبولىپ كۇنىنە، اپتاسىنا ەمەس، كۇنىنە 5-6 رەت ۇشاق تالدىقورعاننان ۇشارالعا قاتىنايتىن بولادى. 20-دان استام ۆاگون الماتىدان اقشيگە دەيىن تۋريستەردى جەتكىزەدى»، – الماتى وبلىسىنىڭ اكىمى اماندىق باتالوۆ.

ەستەرىڭىزگە سالا كەتەيىك، جىلدان-جىلعا الاكولگە كەلۋشىلەر سانى ارتۋدا. ماسەلەن، وسىدان 5 جىل بۇرىن دەمالۋشىلاردىڭ سانى 400 مىڭعا جەتەر-جەتپەس بولسا، بىلتىر كولگە كەلگەن تۋريستەردىڭ سانى 1,5 ملنعا جۋىقتاعان.

سوڭعى جاڭالىقتار