27 مامىر, 20:13 543 0 جاڭالىقتار اسىل تۇمار

ىشكى ىستەر ءمينيسترى اۋرۋحاناعا كەلدى – زارداپ شەككەن پوليتسەيدىڭ جاعدايى اۋىر

ىشكى ىستەر ءمينيسترى ەرلان تۇرعىمباەۆ الماتىداعى جاعدايدى جەكە باقىلاۋعا الدى. بۇگىن ول جۇمىس ساپارىمەن قالاعا ارنايى كەلدى، – دەپ جازدى polisia.kz.

مينيستر №7 قالالىق كلينيكالىق اۋرۋحانادا جاتقان پوليتسيا قىزمەتكەرى، اعا لەيتەنانت ەربۇلان سەيدازىمنىڭ جاعدايىن بىلۋگە باردى. اپاتتان سوڭ دارىگەرلەر وعان بىرىككەن جاراقات، باس سۇيەگىنىڭ جابىق جاراقاتى، ميداعى اۋىر كونتۋزيا، جاق سۇيەگىنىڭ ەپيدۋرالدى قان كەتۋى دياگنوزىن قويدى. زارداپ شەككەن پوليتسەيگە ەكى وپەراتسيا جاسالدى. باس سۇيەگىنىڭ رەزەكتسيالى ترەپاناتسياسى جانە باس سۇيەك ىشىندەگى گەماتوما الىندى. ەرلان تۇرعىمباەۆ دارىگەرلەر كونسيليۋمىنا قاتىستى.

مامانداردىڭ ايتۋىنشا، پاتسيەنتتىڭ جاعدايى اۋىر، بىراق ونىڭ ومىرىنە ەش قاۋىپ ءتونىپ تۇرعان جوق. دارىگەرلەرمەن اڭگىمەلەسكەننەن كەيىن مينيستر پوليتسيا قىزمەتكەرىنىڭ تەز ساۋىعىپ كەتۋىن تىلەدى.

سوڭعى جاڭالىقتار