27 مامىر, 19:31 1238 0 جاڭالىقتار اسىل تۇمار

الماتىدا قايتادان كارانتين ەنگىزىلۋى مۇمكىن – باقىتجان ساعىنتاەۆ

سۋرەت عالامتوردان الىندى
سۋرەت عالامتوردان الىندى

الماتى قالاسىنىڭ اكىمى باقىتجان ساعىنتاەۆ ونلاين بريفينگ بارىسىندا وڭتۇستىك شاھاردا قايتادان كارانتين ەنگىزىلۋى مۇمكىن ەكەنىن ايتتى.

«ەگەر ەپيدەميولوگيالىق احۋال ناشارلايتىن بولسا، قالا قايتادان كارانتينگە جابىلۋى ابدەن مۇمكىن. مەن الماتىلىقتارعا 2 اي شىداپ ۇيدە وتىرعاندارى ءۇشىن العىس ايتامىن. ناۋرىزدىڭ سوڭىندا قالادا 35 مىڭ عانا كولىك جۇرگەن. ال كارانتينگە دەيىن 500 مىڭ قالا تۇرعىنىنىڭ، 250 مىڭ وبلىس تۇرعىنىنىڭ كولىگى قالادا جۇرەتىن. بىراق 2 ايدا شىدام دەگەن ءبىتتى. توتەنشە جاعداي رەجيمى الىنعان سوڭ ءبارى سىرتقا شىقتى. قاراساڭىز، ءار وبلىستا كوروناۆيرۋس كورسەتكىشى ارتىپ كەلەدى. ەگەر ولاي بولاتىن بولسا، قاتاڭ كارانتين رەجيمى قايتارىلادى»، – دەدى قالا اكىمى باقىتجان ساعىنتاەۆ.

ونىڭ ايتۋىنشا، 15 ساۋىردەن كەيىن قازاقستانعا قىتايدان دارىگەرلەر كەلگەن. شەتەلدىك ماماندار الماتى قالاسىنداعى كارانتين رەجيمىنىڭ ساقتالۋىن جوعارى باعالاعان. ناۋرىزدىڭ باسىندا قر دسم الماتى قالاسىندا كوروناۆيرۋس 850 ادامعا جۇعادى دەگەن بولجام ايتقان.

«ال قازىر قانشا؟ 2353 ادام. ال رەسبۋليكا بويىنشا 9 مىڭنان استى. ەگەر دالاعا شىعۋعا رۇقسات بەرىلسە، وندا تەك ماسكامەن شىعۋ كەرەك. قاشىقتىق ساقتاۋ كەرەك. ال بىزدە قالاي؟ ءبىر-ءبىرىن اۋىزاشارعا شاقىرىپ، سۋرەتكە ءتۇسىپ، الەۋمەتتىك جەلىگە جاريالاپ جاتىر»، – دەدى اكىم.

سوڭعى جاڭالىقتار