27 مامىر, 13:05 926 0 زاڭ انار لەپەسوۆا

بولات باقاۋوۆقا قاتىستى سوت ۇكىمى شىقتى

سۋرەت عالامتوردان الىندى
سۋرەت عالامتوردان الىندى

بۇگىن پاۆلودار قالاسىنىڭ قىلمىستىق ىستەر بويىنشا №2 سوتىندا ەكس-اكىم بولات باقاۋوۆ ءىسى بويىنشا العاشقى سوت وتىرىسى Skype ارقىلى ءوتتى.

سوت وتىرىسىنا قاتىسقان پاۆلودارلىق پروكۋرور ەلەنا بەلوۆا بولات باقاۋوۆتى 3,5 جىلعا باس بوستاندىعىن شەكتەۋدى سۇرادى، دەپ حابارلايدى اzattyq ruhy.

پروكۋرور ايىپتالۋشىنىڭ كىناسى تەرگەۋ، كۋاگەرلەردىڭ جاۋاپتارى جانە ءىس بويىنشا جينالعان ايعاقتارمەن دالەلدەنگەنىن ايتتى. سونداي-اق، ەكس-اكىمنىڭ مەملەكەتتىك قىزمەتتە، ۇلتتىق كومپانيالاردا لاۋازىمدار اتقارۋ قۇقىعىنان جانە بارلىق مەملەكەتتىك ماراپاتتارىنان ايىرۋدى تالاپ ەتتى.

ايىپتالۋشى بولات باقاۋوۆ كىناسىن تولىقتاي مويىنداپ، پروكۋرورمەن پروتسەسسۋالدى كەلىسىمگە كەلدى. باقاۋوۆتىڭ ادۆوكاتىنىڭ ايتۋىنشا، ول پروتسەسسۋالدى كەلىسىمگە ءوز ەركىمەن كەلگەن.

«ايىپتالۋشى قىلمىستىق كودەكستىڭ 361-بابى، 4-ءبولىمىنىڭ 3-تارماعى بويىنشا «قىلمىستىق قۇقىق بۇزۋشىلىق جاساۋدىڭ اۋىر زارداپتارىنا اكەپ سوققان لاۋازىمدىق وكىلەتتىگىن تەرىس پايدالاندى» دەگەن ايىپپەن كىنالى دەپ تانىلدى. سوت ۇكىمى بويىنشا ول 3,5 جىلعا باس بوستاندىعىنان ايرىلىپ، ءومىر بويى مەملەكەتتىك قىزمەتتە لاۋازىمدار اتقارۋ قۇقىعىنان ايرىلدى»، - دەدى پاۆلودار قالاسىنىڭ قىلمىستىق ىستەر بويىنشا №2 سوتى نۇرلان قايىربەكوۆ.

ەسكە سالا كەتەيىك، 2019 جىلى قىركۇيەك ايىندا پاۆلودار وبلىستىق مەملەكەتتىك كىرىستەر دەپارتامەنتى «AksuTransLogistic» جشس-ىنە (كومپانيانىڭ جالعىز قۇرىلتايشىسى سول كەزدەگى وبلىس باسشىسى بولات باقاۋوۆتىڭ تۋىسى) تەكسەرىس جۇرگىزىپ، 2014-2018 جىلدار ارالىعىندا بيۋدجەتكە سالىق تولەۋ ەسەبىن قاراپ شىققان. سول كەزدە كاسىپورىننىڭ 200 ميلليوننان استام تەڭگەنىڭ سالىعىن تولەمەگەنى انىقتالعان.

بۇل تەكسەرىس جايىندا سول كەزدەگى وبلىس اكىمى (2019 جىلدىڭ جەلتوقسانى) بولات باقاۋوۆ حاباردار بولىپ، ءوزىنىڭ لاۋازىمدىق وكىلەتتىلىكتەرىن پايدالانۋ ارقىلى وبلىستىق مەملەكەتتىك كىرىستەر دەپارتامەنتىنىڭ باسشىسى اينابەكوۆتەن تەكسەرىستىڭ ناقتى ناتيجەسىن كورسەتپەۋدى، ال تولەنبەگەن سالىقتىڭ كولەمىن 3-5 ميلليون تەڭگەگە دەيىن ازايتۋدى تالاپ ەتكەن.

«2020 جىلدىڭ 8 قاڭتارىندا اينابەكوۆ باقاۋوۆتىڭ كەڭسەسىنە كەلىپ، ونىڭ ءوتىنىشى ورىندالعانى تۋرالى حابارلادى. ول سالىق كولەمى 3 ملن 146 مىڭ تەڭگە سوماسىنداعى جشس-ءتى تەكسەرۋ ناتيجەلەرىن ۇسىنعان. سونداي-اق ول سالىق تولەمى 213 ميلليون 60 مىڭ تەڭگەنى قۇرايتىن تەكسەرۋ ناتيجەلەرىنىڭ ەكىنشى جوباسىن قاتار ۇسىندى. باقاۋوۆ تۋىسىنا قوڭىراۋ شالىپ، باستاپقى سومانى تولەۋ كەرەكتىگىن ايتتى، سودان كەيىن 3 ميلليون 155 مىڭ تەڭگە تولەندى»، - دەدى پروكۋرور بەلوۆا.

سوڭعى جاڭالىقتار