27 مامىر, 12:37 344 0 ىشكى ساياسات انار لەپەسوۆا

پرەزيدەنت: ىرىس پەن ىنتىماقتىڭ ارقاسىندا كەز كەلگەن سىناقتى ابىرويمەن ەڭسەرەمىز

كوروناۆيرۋس پاندەمياسى الەم قۇندىلىقتارىن ايتارلىقتاي وزگەرتتى.  ۇلتتىق قوعامدىق سەنىم كەڭەسىنىڭ ءۇشىنشى وتىرىسىندا مەملەكەت باسشىسى قاسىم-جومارت توقاەۆ وسىلاي مالىمدەدى. 

«كوروناۆيرۋس ىندەتى جۇمىس تارتىبىمىزگە ەلەۋلى وزگەرىس ەنگىزدى. قازىرگى تاڭدا ەلىمىز پاندەميانىڭ شارىقتاۋ شەگىنەن ءوتتى. بىراق، ىندەتپەن كۇرەس ءالى اياقتالعان جوق. بۇل ىندەت - وتە قاۋىپتى. باتپانداپ كىرەدى، مىسقالداپ شىعادى. كوروناۆيرۋس قازىرگى الەمنىڭ قۇندىلىقتارىن ايتارلىقتاي وزگەرتتى»،- دەدى مەملەكەت باسشىسى.

قاسىم-جومارت توقاەۆتىڭ ايتۋىنشا، دەنساۋلىق ساقتاۋ جۇيەسىنىڭ، ءوزىن-ءوزى قامتۋدىڭ، ىنتىماقتاسۋ مەن جاۋاپكەرشىلىكتىڭ ماڭىزى ارتا ءتۇستى.

«سوعان سايكەس مەملەكەت قىزمەتىندە جانە قوعامدىق ءومىردىڭ بارلىق سالاسىندا تۇبەگەيلى وزگەرىستەر بولماق. پاندەميا ءبىزدىڭ ەلىمىز ءۇشىن دە ۇلكەن سىناق بولىپ وتىر. قازاقستان حالقى ەشقاشان قيىندىققا مويىعان ەمەس. بۇل جولى دا بىرلىگىمىزدىڭ بەكەم ەكەندىگىن كورسەتتىك. ءبىز ىرىس پەن ىنتىماقتىڭ ارقاسىندا كەز كەلگەن سىناقتى ابىرويمەن ەڭسەرەمىز دەپ سەنەمىن»، - دەدى پرەزيدەنت.

ايتا كەتەيىك، قاسىم-جومارت توقاەۆتىڭ توراعالىعىمەن ۇلتتىق قوعامدىق سەنىم كەڭەسىنىڭ ءۇشىنشى وتىرىسى ءوتىپ جاتىر.

 

سوڭعى جاڭالىقتار