27 مامىر, 12:06 332 0 ەكونوميكا انار لەپەسوۆا

قازاقستان مۇناي ءوندىرۋ كولەمىن 4,5 پايىزعا تومەندەتتى

كوروناۆيرۋس پاندەمياسى سالدارىنان ەلىمىزدە مۇناي ءوندىرۋ كولەمى ازايعان.  بۇل تۋرالى قر ەنەرگەتيكا ءمينيسترى نۇرلان نوعاەۆ مالىمدەدى. 

«مەملەكەت باسشىسىنىڭ جارلىعىمەن وتكەن جىلى ەكولوگيا، گەولوگيا جانە تابيعي رەسۋرستار مينيسترلىگى قۇرىلدى جانە ەنەرگەتيكا مينيسترلىگىنىڭ قورشاعان ورتانى قورعاۋ سالاسىنداعى فۋنكتسيالارى مەن وكىلەتتىكتەرى جاڭا قۇرىلعان مينيسترلىككە اۋىستى. قازىرگى تاڭدا ەنەرگەتيكا مينيسترلىگىنىڭ قىزمەتى كەلەسى ستراتەگيالىق باعىتتارعا جىكتەلەدى: مۇناي جانە گاز سالاسىن دامىتۋ، تراتەگيالىق باعىتتاردى جۇزەگە اسىرۋ، ەلەكتر ەنەرگەتكاسى، اتوم ەنەرگەتكاسى، جاڭارتىلعان ەنەرگيا كوزدەرىن پايدالانۋ سالالارى. الەمگە تارالعان كوروناۆيرۋستىڭ ءورشۋى ەنەرگو رەسۋرستارعا دا ايتارلىقتاي اسەر ەتتى. ءبىز دە ءوزىمىزدىڭ جىلدىق جوسپارىمىزدى الەمدە قالىپتاسقان جاعدايعا سايكەس رەتتەپ، ءبىراز تۇزەتۋ ەنگىزدىك»، - دەيدى ەنەرگەتيكا ءمينيسترى حالىق الدىندا ەسەپ بەرۋ كەزدەسۋىندە.

نۇرلان نوعاەۆ قازاقستان قارا التىن ءوندىرىسىن قانشالىقتى تومەندەتكەنىن ايتتى.

«بىرىنشىدەن، 2019 جىلى مۇناي ءوندىرۋ 90,5 ملن توننانى قۇراعان بولاتىن. الايدا مۇناي باعاسىنىڭ قۇبىلمالىعى جانە پاندەميا كەزىندە الەمدىك ەكونوميكانىڭ تۇراقسىز دامۋ جاعدايىندا بيىل مۇناي ءوندىرۋ جوسپارىن 86 ملن تونناعا، ياعني 4,5%-عا تومەندەتتىك»، - دەيدى ۆەدومستۆو باسشىسى.

 

سوڭعى جاڭالىقتار