27 مامىر, 11:48 350 0 ءبىلىم انار لەپەسوۆا

ەلىمىزدە جوو-لاردىڭ باسەكەگە قابىلەتتىلىك باعدارلاماسى ەنگىزىلۋى مۇمكىن

ۇلتتىق قوعامدىق سەنىم كەڭەسىنىڭ كەزەكتى وتىرىسىندا كەڭەس مۇشەسى اسىلبەك قوجاحمەتوۆ "جوو-لاردىڭ باسەكەگە قابىلەتتىلىك باعدارلاماسىن" ەنگىزۋدى ۇسىندى. 

«ءبىرىنشى كەزەكتە بىزگە وقىتۋ پاراديگماسىن وزگەرتۋ كەرەك. جەكە تۇلعانى دامىتۋ تاسىلىنە كوشۋ كەرەك. ستۋدەنتكە ماماندىقپەن بىرگە ومىرلىك باعىت-باعدار بويىنشا ءبىلىم بەرۋ كەرەك. ءپاتريوتيزمى ءسىڭىرىپ، ومىرگە ۇيرەتۋ كەرەك. ءاليحان بوكەيحان ايتقانداي، «ۇلتقا قىزمەت ەتۋ بىلىمنەن ەمەس، مىنەزدەن». بىزگە جوو-لاردىڭ اشىق باسەكەسىن دامىتۋ كەرەك. ول ءۇشىن «جوو-لاردىڭ باسەكەگە قابىلەتتىلىك باعدارلاماسىن» ۇسىنامىن. جوو-لاردى مەملەكەتتىك جانە جەكە دەپ بولمەي، جاقسى جانە جامان دەپ ءبولۋ كەرەك»، - دەدى اسىلبەك قوجاحمەتوۆ.

ۇلتتىق قوعامدىق سەنىم كەڭەسى مۇشەسىنىڭ ايتۋىنشا، ەلىمىزدە حالىقارالىق جانە ۇلتتىق دەڭگەيدە باسەكەگە قابىلەتتى جوو-لار بولۋى ءتيىس.

ايتا كەتەيىك، پرەزيدەنتتىڭ توراعالىعىمەن ۇلتتىڭ كەڭەستىڭ ءۇشىنشى وتىرىسى ءوتىپ جاتىر.

 

سوڭعى جاڭالىقتار