26 مامىر, 20:55 385 0 جاڭالىقتار اسىل تۇمار

سوت شەشىمى: تۇتىنۋشىلاردىڭ بيلەت قۇنىن قايتارۋ ءۇشىن Bek Air مۇلكىنە تىيىم سالىندى

سۋرەت عالامتوردان الىندى
سۋرەت عالامتوردان الىندى

سوت Bek Air اۋە كومپانياسىنىڭ مۇلكىن پايدالانۋعا تىيىم سالدى، – دەپ جازدى قازاقپارات.

«سوت قر ازاماتتىق اۆياتسيا كوميتەتىنىڭ توپتىق شاعىمىن قاناعاتتاندىرۋ ءۇشىن Bek Air اۋە كومپانياسىنىڭ مۇلكىن پايدالانۋعا تىيىم سالدى»، – دەدى الماتى قالالىق سوتىنىڭ ءباسپاسوز قىزمەتىنەن.

22 ساۋىردە تۇركسىب اۋداندىق سوتىندا ۆيدەوبايلانىس فورماتىندا ءبىرىنشى سوت وتىرىسى ءوتتى. سوتتا قر ازاماتتىق اۆياتسيا كوميتەتىنىڭ توقتاتىلعان رەيستەردىڭ بيلەتىن العان كليەنتتەردىڭ قاراجاتىن قايتارۋ ءۇشىن «Bek Air» اق شاعىمى قارالدى. كوميتەت 560 قازاقستاندىقتىڭ مۇددەسىن قورعادى. ولار 37 ملن تەڭگەگە 1 070 بيلەت ساتىپ العان.

ەسكە سالايىق، 2019 جىلى 27 جەلتوقساندا «Bek Air» اۋە كومپانياسىنىڭ 2100 الماتى – نۇر-سۇلتان رەيسى اۋەگە كوتەرىلىپ بارا جاتقاندا بيىكتىكتى جوعالتىپ، بەتون قورشاۋعا، ودان كەيىن قوسقاباتتى ۇيگە سوعىلعان. اپاتتان 12 ادام قايتىس بولدى، 29 ادام جاراقاتالدى. 51 ادام قالالىق اۋرۋحانالارعا جەتكىزىلدى. ەكى ادام ەمحاناعا كەلگەن كەزدە قايتىس بولدى.

سوڭعى جاڭالىقتار