26 مامىر, 20:08 835 0 جاڭالىقتار اسىل تۇمار

مەملەكەت باسشىسى ۆلاديمير پۋتينمەن تەلەفون ارقىلى سويلەستى

رەسەي تاراپىنىڭ باستاماسى بويىنشا مەملەكەت باسشىسى قاسىم-جومارت توقاەۆ رەسەي پرەزيدەنتى ۆلاديمير پۋتينمەن تەلەفون ارقىلى سويلەستى، – دەپ حابارلادى اقوردانىڭ رەسمي سايتى.

تاراپتار COVID-19 پاندەمياسىنا قاتىستى قازىرگى احۋال مەن ىندەتتىڭ تارالۋىنا قارسى كۇرەسكە بايلانىستى ەكى ەلدىڭ قابىلداعان شارالارى جونىندە پىكىر الماستى.

سونىمەن قاتار مەملەكەتتەر باسشىلارى ەكىجاقتى ىنتىماقتاستىقتىڭ وزەكتى ماسەلەلەرى مەن ەۋرازيالىق ەكونوميكالىق وداق اياسىنداعى ءوزارا ىقپالداستىقتى تالقىلادى.

اڭگىمە سوڭىندا ۆلاديمير پۋتين قاسىم-جومارت توقاەۆتى 24 ماۋسىم كۇنى ماسكەۋدە وتەتىن جەڭىس پارادىنا قۇرمەتتى قوناق رەتىندە قاتىسۋعا شاقىردى. قازاقستان پرەزيدەنتى شاقىرتۋدى ريزاشىلىقپەن قابىل الدى.

ايتا كەتەيىك، رەسەيدە جەڭىس پارادى 24 ماۋسىمدا وتەدى.

سوڭعى جاڭالىقتار