26 مامىر, 11:17 1598 0 جاڭالىقتار اسىل تۇمار

1 ماۋسىمنان باستاپ بىرقاتار باعىت بويىنشا پويىز جۇرە باستايدى

سۋرەت عالامتوردان الىندى
سۋرەت عالامتوردان الىندى

حالىقتىڭ سۇرانىسىنا جانە وڭىرلەردەگى ەپيدەميولوگيالىق جاعدايعا بايلانىستى جولاۋشىلار پويىزدارى بيىلعى 1 ماۋسىمنان جۇرە باستايدى.

قازاقپارات ۇسىنعان قر يندۋستريا جانە ينفراقۇرىلىمدىق دامۋ مينيسترلىگىنىڭ اقپاراتىنا سايكەس، باستاپقى كەزدە 54 پويىز قاتىناي باستايدى:

  • نۇر-سۇلتاننان – الماتى، ماڭعىستاۋ، وسكەمەن، سارىاعاش، سەمەي، ارقالىك، پاۆلودار، پەتروپاۆل/قىزىل تۋ، ورال، جەزقازگان، قىزىلوردا;
  • الماتىدان – شىمكەنت، پاۆلودار، اقتوبە، ماڭعىستاۋ، سارىاعاش، وسكەمەن، جەزقازگان، ورال، پەتروپاۆل، قوستاناي;
  • قىزىلوردادان – سەمەي، كوكشەتاۋ، پەتروپاۆل;
  • قوستانايدان – قاراعاندى; ارقالىك;
  • قاراعاندىدان – جەزقازعان;
  • قىزىلوردادان – كوكشەتاۋ، پەتروپاۆل;
  • ماڭعىستاۋدان – اقتوبە باعىتتارى بويىنشا جانە قالاماڭى قاتىناستارى.

ەكىنشى كەزەڭ – 10 ماۋسىمنان باستاپ 39 پويىزدى جولعا شىعارۋ جوسپارلانىپ وتىر. ونىڭ ىشىندە:

  • نۇر-سۇلتاننان – الماتى، اتىراۋ، دوستىق، ورال، ايسارى، شىمكەنت;
  • الماتىدان – اتىراۋ، اقتوبە، ورال، وسكەمەن، تۇركىستان، پەتروپاۆل;
  • اتىراۋدان – ماڭعىستاۋ، اقتوبە، قۇلسارى، كاراباتان باعىتتارى بويىنشا جانە قالاماڭى باعىتتارى.

ءۇشىنشى كەزەڭدە ايماقتاردا سانيتارلىق-ەپيدەميولوگيالىق جاعدايدىڭ جاقسارۋىنا قاراي، سونىمەن بىرگە كورشى ەلدەرمەن كەلىسكەننەن كەيىن 15 پويىزدى جۇرگىزۋ كوزدەلگەن:

  • الماتىدان – تاشكەنت، ساراتوۆ، ءۇرىمشى، ءنوۆوسىبىر، قازان;
  • نۇر-سۇلتاننان – چەليابى;
  • قاراعاندىدان – ماسكەۋ، ومبى، تومسك;
  • اتىراۋدان – استراحان باعىتتارى بويىنشا.

«قازىرگى كەزدە (وسى جىلى 15 مامىردان باستاپ) جولاۋشىلار بيلەتتەرى ساتىلىپ جاتىر. بارلىق ينفراسترۋكتۋرالىق نىساندار سانيتارلىق تالاپتارعا سايكەس تاسىمالدار جاساۋعا جانە قۇرامدار ساپارعا شىعۋعا دايىن. جولاۋشىلاردىڭ جانە پويىزداردىڭ بريگادا قىزمەتكەرلەرىنىڭ قاۋىپسىزدىگىن قامتاماسىز ەتۋ ءۇشىن تاسىمالدار كولىكتەگى مەملەكەتتىك باس سانيتارلىق دارىگەردىڭ ۇسىنىمدارىنا سايكەس اتقارىلادى»، – دەدى مينيسترلىكتەن.

سوڭعى جاڭالىقتار