25 مامىر, 17:28 508 0 ءبىلىم ارايلىم بيمەنديەۆا

پەداگوگ مارتەبەسى ماڭىزدى

قازاقستان تاۋەلسىزدىك العان جىلدان باستاپ ءبىلىم بەرۋ سالاسىنداعى مەملەكەتتىك ساياساتتى وڭ جولعا قويىپ، ءبىلىم بەرۋ جۇيەسىن ساپالىق جاعىنان جاقسارتۋدى ماقسات ەتتى. وسىلايشا ءبىلىم بەرۋدى باسقارۋ مەن قارجىلاندىرۋدىڭ قۇقىقتىق-زاڭنامالىق بازاسى قالىپتاستى. قازاقستاندا ءبىلىم بەرۋ سالاسىن رەفورمالاۋ 1995 جىلدان باستاپ قارقىندى جۇرگىزىلە باستادى. 90-شى جىلدارداعى داعدارىسقا قاراماستان جۇرگىزىلگەن رەفورمالارعا سايكەس، قازاقستان ءبىلىم بەرۋ سالاسىندا بىرقاتار وزگەرىستەرگە قول جەتكىزدى.

سوڭعى جىلدارى ءبىلىم بەرۋ سالاسى بويىنشا پەداگوگ مارتەبەسىن ارتتىرۋ تۋرالى كوپ ايتىلدى، قوعامدى قىزۋ تالقىلاندى. جالپى كەز كەلگەن مەملەكەتتىڭ ءبىلىم بەرۋ ساياساتىنىنىڭ باستى باعىتتارىنىڭ ءبىرى – پەداگوگ بەدەلىن ارتتىرۋ.

بۇل رەتتە Nur Otan پارتياسى ۇستازدار قاۋىمىنىڭ مۇددەسىن جوعارى قويىپ كەلەدى. پارتيا كوشباسشىسى، ەلباسى ن.نازارباەۆ دەپۋتاتتارمەن بىرلەسە وتىرىپ «پەداگوگ مارتەبەسى تۋرالى» جاڭا زاڭنىڭ قابىلدانۋىنا كۇش سالدى. ۇستاز مارتەبەسى تۋرالى جاڭا زاڭنىڭ قابىلدانۋى ۇستازدار قاۋىمىن عانا ەمەس، قوعام مۇشەلەرىن دە قۋانتتى. قابىلدانعان جاڭا زاڭدا پەداگوگتىڭ الەۋمەتتىك مارتەبەسىن كوتەرەتىن ستيمۋلدار، وقۋ جۇكتەمەسىن ازايتۋ، قاجەتسىز تەكسەرىستەردى ازايتۋ، جالاقىسىن كوتەرۋ سىندى وزەكتى ماسەلەلەر وڭ شەشىمىن تاپتى. ال مەملەكەت باسشىسى ق.توقاەۆتىڭ باستاماسىمەن سوڭعى ءتورت جىلدا پەداوگوتەردىڭ جالاقىسى ەكى ەسە وسەدى. بۇدان بولەك، ەلىمىز بويىنشا جاڭا مەكتەپتەر مەن بالاباقشالار سالىنباق.

ەلىمىزدە جاريالانعان كارانتين جاعدايى ءبىلىم بەرۋ سالاسىنا دا ءوز اسەرىن تيگىزدى. قازاقستاندىق وقۋشىلار كوروناۆيرۋس پاندەمياسىنا بايلانىستى ءتورتىنشى توقساندا قاشىقتىقتان وقىدى. قاشىقتان وقىتۋ پەداگوگتەر جۇمىسىنىڭ قانشالىقتى ماڭىزدى ءارى قيىن  ەكەنىن كورسەتتى. ءتورتىنشى توقساندى اياقتاپ، جىلدى قورىتىندىلاعان مەكتەپ وقۋشىلارى سوڭعى قوڭىراۋ مەرەكەسىن ونلاين رەجيمدە اتاپ ءوتتى. اتاپ وتسەك، بيىل قازاقستاندا 150 مىڭنان استام تۇلەك مەكتەپ بىتىرەدى.

سوڭعى جاڭالىقتار