25 مامىر, 12:31 469 0 ساياسات ارايلىم بيمەنديەۆا

قازاقستان مەن رەسەي – ستراتەگيالىق ارىپتەس

وسىدان 18 جىل بۇرىن، 1992 جىلعى 25 مامىردا ماسكەۋ قالاسىندا قازاقستان رەسپۋبليكاسى مەن رەسەي فەدەراتسياسى اراسىنداعى دوستىق، ىنتىماقتاستىق جانە ءوزارا كومەك تۋرالى شارتقا قول قويىلدى. بۇل شارت قازاقستان رەسپۋبليكاسى مەن رەسەي فەدەراتسياسىنىڭ اراسىنداعى تاتۋ كورشىلىكتى، جان-جاقتى ىنتىماقتاستىقتى دامىتۋ، جاقىنداسۋ مەن ينتەگراتسيا ءۇشىن قۇقىقتىق نەگىزدىڭ نىعايۋىنا ىقپال ەتكەن ماڭىزدى قۇجات بولدى.

قر تۇڭعىش پرەزيدەنتى، ەلباسى ن.نازارباەۆ ءبىزدىڭ رەسپۋبليكامىزدىڭ زاماناۋي شەكاراسىن ناقتى بەكىتۋىنىڭ ناتيجەسىندە قازاقستان الەمدە شەكارا ماسەلەسى شەشىلگەن از ەلدەردىڭ ءبىرى.

قازاقستان رەسپۋبليكاسى مەن رەسەي فەدەراتسياسىنىڭ ستراتەگيالىق ارىپتەستىگى – ەلباسى ساياساتىنىڭ باسىم باعىتتارىنىڭ ءبىرى. ەكى ەل اراسىنداعى كەلىسىمگە قول قويۋ قازاقستاننىڭ دامۋىندا ماڭىزدى ورىن الادى.

پرەزيدەنت ق.توقاەۆ رەسەيمەن ارىپتەستىك بويىنشا ستراتەگيالىق كۋرستى جالعاستىرىپ، كوپۆەكتورلى ساياساتتى جۇرگىزىپ كەلەدى.

قازاقستان مەن رەسەي شەكاراسى قۇرلىقتاعى ەڭ ۇزىن شەكارا، ونىڭ ۇزىندىعى 7598,8 شاقىرىم. شەكارانىڭ مىزعىماس بەرىكتىگى مەن ستراتەگيالىق ارىپتەستىك ەكى ەلدىڭ ەكونوميكاسىنىڭ دامۋىنا وڭ اسەر ەتىپ وتىر.

2020 جىلعى 12 اقپانداعى جاعداي بويىنشا رف-نىڭ قر-داعى ساۋدا وكىلدىگىنىڭ حابارلاۋىنشا ەكى ەل اراسىنداعى تاۋار اينالىمى 2018 جىلمەن سالىستىرعاندا 6,7%-عا ارتقان. تاۋار اينالىمى كولەمى 19,6 ميلليارد دوللار. رەسەيدەن قازاقستانعا يمپورتتالاتىن تاۋار كولەمى 7,7%-عا ءوسىپ، 14 ميلليارد دوللارعا جەتكەن. قازاقستاننىڭ رەسەيگە ەكسپورت كولەمى 4,2%-عا كوبەيىپ، 5,6 ميللياردتى قۇرايدى.

سوڭعى جاڭالىقتار