25 مامىر, 10:27 435 0 جاڭالىقتار اسىل تۇمار

بۇگىن ساعات 11.00-دە سوڭعى قوڭىراۋ ونلاين سوعىلادى

سۋرەت عالامتوردان الىندى
سۋرەت عالامتوردان الىندى

بۇعان دەيىن مينيسترلىك 25 مامىردا سوڭعى قوڭىراۋ مەرەكەسى مىندەتتى تۇردە ونلاين رەجيمدە وتكىزىلەتىنىن حابارلاعان بولاتىن.

بۇگىن، 25 مامىر ساعات 11.00-دە قازاقستان رەسپۋبليكاسى ءبىلىم جانە عىلىم ءمينيسترى اسحات ايماعامبەتوۆ تۇلەكتەردى تەلەارنالار ارقىلى قۇتتىقتايدى.

سونىمەن قاتار، بارلىق مەكتەپتەردە مۇمكىندىگىنشە اتا-انالاردىڭ، قامقورلىق كەڭەس مۇشەلەرىنىڭ، بيزنەس وكىلدەرىنىڭ، مەكتەپتى ۇزدىك بىتىرگەن بۇرىنعى تۇلەكتەردىڭ قاتىسۋىمەن 1-10 سىنىپتارعا ارنالعان ونلاين سوڭعى قوڭىراۋ وتكىزىلەدى.

«25 مامىردا ونلاين رەجيمىندە 1-10 سىنىپتارعا ارنالعان سوڭعى قوڭىراۋ سىنىپ ساباقتارىن وتكىزىلەدى. جىل قورىتىندىسىن سول جەردە ءار سىنىپ بويىنشا جاساۋعا، ونى ءارتۇرلى ۋاقىتتا وتكىزۋگە بولادى. ونى اسىرا ۇيىمداستىرۋدىڭ قاجەتى جوق. ءار سىنىپ جەتەكشىسى قاي ۋاقىتتا، قالاي وتكىزەتىندىگىن ەشقانداي ەسەپسىز، سۇراۋسىز جەكە تارتىپتە وتكىزۋى ءتيىس»، - دەدى ءبىلىم جانە عىلىم ءمينيسترى اسحات ايماعانبەتوۆ مينيسترلىكتە وتكەن جيىندا.

ال 11 سىنىپ وقۋشىلارى ءۇشىن سوڭعى قوڭىراۋ 3-4 ماۋسىم كۇندەرى وتەدى. وندا ادام سانى شەكتەلىپ، سانيتارلىق نورمالار قاتاڭ ساقتالۋى ءتيىس.

سوڭعى جاڭالىقتار