23 مامىر, 20:38 407 0 جاڭالىقتار اسىل تۇمار

اباي-175: بىشكەكتە قىرعىز تىلىندەگى «اباي» اتتى كىتاپتىڭ تۇساۋى كەسىلدى

سۋرەت دەرەككوزدەن الىندى
سۋرەت دەرەككوزدەن الىندى

بىشكەكتە تۇركى الەمنىڭ تۇعىرلى تۇلعاسى، ۇلى ويشىل ابايدىڭ 175 جىلدىق مەرەيتويى اياسىندا قىرعىز تىلىندەگى «اباي» اتتى كىتاپتىڭ تۇساۋى كەسىلدى، – دەپ جازدى قازاقپارات كابار اگەنتتىگىنە سىلتەمە جاساپ.

ەسكە سالا كەتەيىك، حالىقارالىق تۇركى اكادەمياسى بيىلعى اباي مەرەيتويى اياسىندا ونلاين-كونفەرەنتسيا وتكىزگەن بولاتىن. وعان قىرعىز رەسپۋبليكاسىنىڭ مادەنيەت، اقپارات جانە تۋريزم ءمينيسترى ازامات جامانقۇلوۆ تا قاتىستى.

كونفەرەنتسيا بارىسىندا قىرعىز تىلىندە جارىققا شىققان «اباي» كىتابى تانىستىرىلدى. وندا مينيستر ازامات جامانقۇلوۆ ءسوز سويلەپ، 2020 جىلى اباي قۇنانبايۇلىنىڭ 175 جىلدىق مەرەيتويى اياسىندا بىرقاتار ءىس-شارالار وتەتىنىن مالىمدەدى. اتاپ ايتقاندا ا.وسمونوۆ اتىنداعى ۇلتتىق كىتاپحانادا ونلاين كىتاپ كورمەسى وتەدى. سونىمەن قاتار بىشكەكتەگى قازاقستان ەلشىلىگى، قىرعىزستانداعى قازاقتار قاۋىمداستىعى جانە مادەنيەت مينيسترلىگىنىڭ قولداۋىمەن اباي ورتالىعى اشىلادى.

ودان بولەك، ءمينيستردىڭ ايتۋىنشا، 27 مامىردا «اباي قۇنانبايۇلىنىڭ ادەبي جانە رۋحاني مۇراسىنىڭ قۇندىلىعى» اتتى ونلاين كونفەرەنتسيا وتەدى. وعان بىرنەشە ەلدىڭ عالىمدارى قاتىسادى.

ايتا كەتەيىك، حالىقارالىق تۇركى اكادەمياسى ۇيىمداستىرعان كونفەرەنتسياعا حالىقارالىق تۇركى اكادەمياسىنىڭ پرەزيدەنتى دارحان قىدىرالى، يۋنەسكو ازيا جانە تىنىق مۇحيتى ءبولىمىنىڭ باستىعى اندرەي شەۆەلەۆ، قىرعىز رەسپۋبليكاسىنىڭ مادەنيەت، اقپارات جانە تۋريزم ءمينيسترى ازامات جامانكۋلوۆ، قىرعىز حالىق ءارتيسى تۇگەلباي قازاقوۆ، قىرعىز جازۋشىلار وداعىنىڭ توراعاسى نۇرلانبەك قالىبەكوۆ، سونىمەن قاتار ازەربايجان، باشقۇرتستان (رف), قازاقستان، قىرعىزستان، ماجارستان، موڭعوليا، وزبەكستان، تاتارستان جانە تۇركيا ەلدەرىنىڭ تانىمال تۇركولوگ عالىمدارى قاتىستى.

سوڭعى جاڭالىقتار