23 مامىر, 16:31 844 0 جاڭالىقتار اسىل تۇمار

عىلىمي باسىلىمدارعا قويىلاتىن تالاپتار وزگەردى – مينيستر

سۋرەت عالامتوردان الىندى
سۋرەت عالامتوردان الىندى

قر ءبىلىم جانە عىلىم ءمينيسترى اسحات ايماعامبەتوۆ فەيسبۋك-پاراقشاسىندا  عىلىمي باسىلىمدارعا قويىلاتىن تالاپتار وزگەرگەنى تۋرالى جازدى.

«عىلىمي قىزمەتتىڭ ناتيجەلەرىن جاريالاۋ ءۇشىن ۇسىنىلاتىن باسىلىمدار تىزبەسىنە قوسۋ ءۇشىن عىلىمي باسىلىمدارعا قويىلاتىن تالاپتاردى بەكىتۋ تۋرالى» بۇيرىققا وزگەرىستەر ەنگىزىلدى.

قازىرگى ۋاقىتتا بۇل تىزىمگە نەگىزىنەن فورمالدى ولشەمدەر بويىنشا ىرىكتەپ الىنعان 177 باسىلىم كىرەدى.

«سوندىقتان قولدانىستاعى كريتەريلەردى حالىقارالىق تالاپتارعا بەيىمدەۋ بويىنشا جۇمىس باستالدى. ماسەلەن، 2 رەت سىرتتاي رەتسەنزيالاۋ، ناقتى رەداكتسيالاۋ ساياساتى، جاريالانىم مازمۇنى مەن باسىلىمدارداردىڭ باعىتتىق سايكەستىگى، شەتەلدىك مامانداردىڭ رەتسەنزيالارى، وزگەنىڭ جازباسىن پايدالانۋدى تەكسەرۋ، بارلىق جاريالانىم شاراسىنىڭ اشىقتىعى، مىقتى رەداكتسيا القاسى، جاريالانىمداردى جىبەرۋ جانە رەتسەنزيالاۋدىڭ ونلاين جۇيەسى، ادەپ پەن اكادەميالىق ادالدىق بويىنشا تالاپتار جانە تاعى سول سياقتىلار. كورسەتىلگەن تىزبەگە كىرەتىن وتاندىق باسىلىمدارعا وسى تالاپتار بىرتىندەپ قويىلادى»، – دەپ جازادى مينيستر.

ونىڭ ايتۋىنشا، وسىنىڭ ناتيجەسىندە باسىلىمداردىڭ سانى ەمەس، ساپاسىنا ءمان بەرىلەدى، ساپالى كونتەنت ءۇشىن باسەكە ارتادى جانە حالىقارالىق دەڭگەيدەگى عىلىمي باسىلىمداردى شىعارۋدىڭ كاسىبي اكادەميالىق مادەنيەتىن قالىپتاستىرۋعا ىقپال ەتەدى دەپ ويلايمىن.

«سونداي-اق وتاندىق جۋرنالداردى Scopus جانە Web of Science حالىقارالىق بازاسىنا ەنگىزۋ ءۇشىن، عىلىمي جۋرنالدارعا قارجىلاي قولداۋ كورسەتىپ، دەمەۋ بەرۋ ماقساتىمەن كونكۋرس جاريالاۋدى جوسپارلاپ وتىرمىز»، – دەپ تۇيىندەدى اسحات ايماعامبەتوۆ.

سوڭعى جاڭالىقتار