23 مامىر, 09:52 391 0 جاڭالىقتار اسىل تۇمار

ماقتاارالدا مونشانى پانالاپ جۇرگەن 28 وتباسىعا باسپانا بەرىلەدى

سۋرەت عالامتوردان  الىندى
سۋرەت عالامتوردان الىندى

ماقتاارال اۋدانىندا اپاتتى جاعدايداعى ەسكى عيماراتتاردا تۇرىپ كەلگەن 28 وتباسىعا قوسىمشا باسپانا سالىنادى. بۇل تۋرالى ۇكىمەت باسشىسى اسقار مامين اپات ايماعىنا كەلگەن جۇمىس ساپارى بارىسىندا مالىمدەدى.

تۇركىستان وبلىسى اكىمدىگى ءباسپاسوز قىزمەتىنىڭ مالىمەتىنشە، تۇرمىسى تومەن وتباسىلار بۇعان دەيىن سۋ باسقان ورگەباس اۋىلىنداعى بوس تۇرعان عيماراتتاردى پانالاپ كەلگەنى انىقتالعان. ەسكى جاتاقحانا مەن مونشادا، بالاباقشادا كۇنەلتىپ كەلگەندەردىڭ باسپاناسى بارىن راستايتىن ەشبىر قۇجاتى دا بولماعان.

وسىنداي تۇرعىنداردىڭ ءبىرى شولپان بورانوۆا جاڭادان ءۇي بەرىلەتىنىن ەستىپ، قۋانىپ وتىرعانىن جەتكىزدى.

«مەن وسى جەردە ءومىرىمنىڭ سوڭىنا دەيىن تۇراتىن شىعارمىن دەپ ويلاعانمىن. ومىرىمدە جاڭا باسپانالى بولامىن دەپ ويلاماپپىن. سەبەبى ءۇش بالانى جالعىز ءوزىم باعىپ كەلەمىن، ۇلكەن ءۇي قالاي سالامىن. تاپقانىم بالا-شاعامنان ارتىلمايدى. ەندىگى جەردە جاڭا ءۇي بەرىلەدى دەپ ەستىپ جاتىرمىز. ءوز كەزەگىندە بىزگە وسىنداي جاعداي جاساپ جاتقان بيلىك باسىنداعىلار مەن بارشا قازاقستاندىقتارعا العىس ايتقىم كەلەدى»، – دەيدى ورگەباس اۋىلىنىڭ تۇرعىنى شولپان بورانوۆا.

سوڭعى جاڭالىقتار