22 مامىر, 19:27 484 0 قوعام انار لەپەسوۆا

الماتىدا "باراحولكا" قاشان اشىلادى – اكىمدىك جاۋاپ بەردى

الماتى اكىمدىگى "باراحولكانىڭ" قاشان اشىلاتىنىن ايتتى.

الماتى قالاسى كاسىپكەرلىك جانە ينۆەستيتسيالار باسقارماسىنىڭ باستىعى ەركەبۇلان ءورازاليننىڭ سوزىنشە، بارلىق نىسانداردى ءبىر ۋاقىتتا ەمەس، كەزەڭ-كەزەڭىمەن اشۋ جوسپارلانعان.

25 مامىردان باستاپ حالىققا قىزمەت كورسەتۋ ورتالىقتارى جۇمىسىن باستايدى، سونداي-اق ازىق-تۇلىك بازارلارى مەن وزگە دە بازارلاردىڭ ازىق-تۇلىك قاتارلارى اشىلادى.

"بىزدە 23 بازاردىڭ ىشىندە 13 نىسان جۇمىس ىستەدى. "بارىس" بازارىندا اشىق اسپان استىنداعى بولشەك ساۋدا جابىلعان بولاتىن. دۇيسەنبىدەن باستاپ قابىلداۋعا دايىندالىپ جاتىر. ىسكە اسىرىلعان 4 كەزەڭ اياسىندا 500 مىڭ ادام جۇمىس ورنىنا قايتا ورالدى. سونداي-اق دۇيسەنبىدەن باستاپ ساۋدا ويىن-ساۋىق ورتالىقتارىنىڭ بولشەك ساۋدا بۋتيكتەر ءبولىمى اشىلادى. بىراق، كينوتەاتر، تاماقتانۋ جانە ويىن-ساۋىق ورىندارى جۇمىس ىستەمەيدى. بەسىنشى كەزەڭ اياسىندا تاعى 100 مىڭ ادام جۇمىسىنا كىرىسەدى. ازىق-تۇلىكتىك ەمەس بازارلارعا كەلەر بولساق، كوميسسيا شەشىمىنە سايكەس، ولار اۋديتتەن وتكەننەن كەيىن 1 ماۋسىمنان باستاپ جۇمىسىن جانداندىرادى", – دەيدى الماتى قالاسى كاسىپكەرلىك جانە ينۆەستيتسيالار باسقارماسىنىڭ باستىعى ەركەبۇلان ورازالين.

ايتا كەتەيىك، بۇعان دەيىن الماتىنىڭ باس سانيتارى جانداربەك بەكشين 25 مامىردان باستاپ جۇمىسىن باستايتىن قوعامدىق تاماقتانۋ ورىندارىنا قانداي تالاپتار قويىلاتىنىن ايتتى.

سوڭعى جاڭالىقتار