22 مامىر, 13:29 382 0 جاھان انار لەپەسوۆا

ۆاشينگتون اشىق اسپان كەلىسىمشارتىنان شىعاتىنىن مالىمدەدى

اقش-تىڭ بۇل شەشىمىنە رەسەيدىڭ قۇجات شارتتارىن بىرنەشە رەت بۇزۋى سەبەپ.

اقش مەملەكەتتىك حاتشىسى مايك پومپەونىڭ ايتۋىنشا، رەسەي اسكەريلەرى كەلىسىم بويىنشا امەريكا مەن ەۋروپانىڭ اۋماعىمەن ۇشىپ، باقىلاۋدى جوعارى دالدىكتى قارۋىن ستراتەگيالىق نىساندارعا باعىتتاۋعا پايدالانعان. ال امەريكالىقتارعا ءوزىنىڭ كەي اۋداندارىنىڭ ۇستىمەن ۇشۋعا رۇقسات بەرمەگەن.

ء"بىزدىڭ رەسەيمەن قارىم-قاتىناسىمىز وتە جاقسى. الايدا رەسەي اشىق اسپان تۋرالى كەلىسىمدى ساقتاماي وتىر. ەگەر شارتتى ورىنداماسا، ءبىز كەلىسىمدى توقتاتامىز. بىراق جاڭا جول تابۋعا مۇمكىندىگىمىز مول دەپ ويلايمىن", - دەدى دونالد ترامپ.

دەسە دە، ەۋروپانىڭ بىرقاتار مەملەكەتى ۆاشينگتوننىڭ شەشىمىن قۇپتامايتىندارىن جەتكىزدى.

ايتا كەتەيىك، اشىق اسپان تۋرالى كەلىسىمشارت 1992 جىلدىڭ ناۋرىز ايىندا قابىلدانعان. قۇجات بويىنشا 35 مەملەكەت ءبىر-ءبىرىنىڭ اۋماعىمەن ۇشىپ، اسكەري احۋالدى باقىلاپ وتىرۋعا ۋاعدالاسقان.

 

سوڭعى جاڭالىقتار