22 مامىر, 12:57 329 0 تەحنولوگيالار انار لەپەسوۆا

COVID-19: YouTube ىندەت جايلى جالعان اقپارات تاراتقان ارنالاردى بۇعاتتايدى

كوروناۆيرۋس پاندەمياسى تۋرالى جالعان اقپاراتتاردىڭ كوبەيۋىنە بايلانىستى YouTube فەيكتەرمەن كۇرەسۋ وپەراتسياسىن باستادى. ۆيدەوحوستينگ كوروناۆيرۋس تۋرالى فەيك بەينەروليكتەردى ورنالاستىرۋعا تىيىم سالاتىن جاڭا ەرەجەلەر ەنگىزدى.

«سايتتا ادام دەنساۋلىعىنا زيان كەلتىرۋى مۇمكىن COVID-19 تۋرالى كەز كەلگەن جالعان اقپاراتقا تىيىم سالىنادى. ۆيدەوحوستينگ كوروناۆيرۋستىق ينفەكتسيا تۋرالى ددسۇ مەن جەرگىلىكتى دەنساۋلىق ساقتاۋ ورگاندارىنىڭ مالىمەتتەرىنە سايكەس كەلمەيتىن فەيك ماتەريالداردى بۇعاتتايدى»، - دەدى Google.

وسىلايشا، حوستينگتە تاراتىلاتىن كوروناۆيرۋس كەزىندە ءوزىن-ءوزى ەمدەۋدىڭ ءارتۇرلى جالعان ادىستەرىنە، سونىڭ ىشىندە قاۋىپتى اۋرۋدى ەمدەيتىن ءداستۇرلى مەديتسينا، گومەوپاتيا جانە ءتىپتى دۇعالارعا تىيىم سالىنادى.

سونىمەن قاتار YouTube كوروناۆيرۋستىڭ جوق ەكەنى تۋرالى ماتەريالدارمەن كۇرەسپەك. كوروناۆيرۋستىڭ تارالۋى تۋرالى ءتۇرلى جورامالدار دە سايتتان جويىلادى. تىيىم سالۋ ءۇش كەزەڭمەن جۇرەدى. العاشقى ەكەۋىندە ەسكەرتۋ جاسالىپ، ۆيدەو جويىلادى. ال ءۇشىنشى كەزەڭدە YouTube-تەگى ارنا تولىعىمەن بۇعاتتالادى.

سوڭعى جاڭالىقتار