21 مامىر, 21:42 362 0 جاھان انار لەپەسوۆا

يسپانيا پرەمەر-ءمينيسترى حالىقتان قاتەلىكتەرى ءۇشىن كەشىرىم سۇرادى

يسپانيا پرەمەر-ءمينيسترى كارانتيننىڭ ۇزارتىلعانى ءۇشىن ەل تۇرعىندارىنان كەشىرىم سۇرادى، دەپ حابارلايدى Euronews. 

«پاندەميانىڭ تارالۋى ءبىزدى مۇقيات بولۋعا ۇيرەتتى. ادامداردىڭ دەنساۋلىعى ءۇشىن شەكتەۋ شارالارى ءالى دە ساقتالاتىن بولادى. مەن ازاماتتاردان اسىعىس جاساعان قاتەلىكتەر ءۇشىن، رەسۋرستاردىڭ جەتىسپەگەنى ءۇشىن، داعدارىستىڭ اۋقىمى ارتقانى ءۇشىن كەشىرىم سۇراعىم كەلەدى»، - دەدى پەدرو سانچەس.

يسپانيادا ۇكىمەتتىڭ كارانتين رەجيمىن ۇزارتۋ شەشىمىنە نارازىلار كوپ. كوشەگە شىعۋعا رۇقسات ەتىلگەن ايماقتاردىڭ تۇرعىندارى ۇكىمەتتىڭ وتستاۆكاعا كەتۋىن تالاپ ەتۋ ماقساتىندا نارازىلىق اكتسياسىنا شىقپاق. ولار سانچەستى ويلانباعان جانە ءتيىمسىز شارالاردى قولداعانى، ەكونوميكانى السىرەتكەنى جانە ازاماتتاردىڭ ەركىندىگىن بۇزعانى ءۇشىن ايىپتاۋدا.

بەيسەنبىدەن باستاپ  يسپانيالىقتار كوشەدە جانە بارلىق قوعامدىق ورىنداردا ادامدار اراسىندا ەكى مەتر قاشىقتىقتى ساقتاۋ مۇمكىن بولماعان جاعدايدا بەتپەردە كيۋگە مىندەتتەلەدى. الايدا كۇن ىسىعان سايىن ساقتىق شارالارىن ورىنداۋ قيىندىق تۋدىرۋدا.

ايتا كەتەيىك، دجونس حوپكينس ۋنيۆەرسيتەتىنىڭ سوڭعى دەرەگى بويىنشا يسپانيادا 232 555 ادام ىندەت جۇقتىرعان. كوروناۆيرۋسقا شالدىققاندار سانى جونىنەن بۇل ەل الەم بويىنشا بەسىنشى ورىندا تۇر.

سوڭعى جاڭالىقتار