21 مامىر, 17:57 452 0 جاڭالىقتار انار لەپەسوۆا

«الەم قازاقتارىمەن سۇحبات» جوباسى قولعا الىندى

دۇنيەجۇزى قازاقتارىنىڭ قاۋىمداستىعى مەن "وتانداستار" قورى بىرلەسىپ، شەتەلدەگى قانداستارىمىزدىڭ سۇراۋى بوي̆ىنشا «الەم قازاقتارىمەن سۇحبات» باعدارلامانى قولعا الدى. ونىڭ نەگىزگى ماقساتى - شەتەلدەگى قازاقتاردىڭ تىنىس-تىرشىلىگىمەن تانىستىرۋ.

باعدارلاما اياسىندا قوعامنىڭ دامۋىنا ءوز ۇلەسىن قوسىپ جۇرگەن بەدەلدى قانداستارىمىز دۇنيەجۇزى قازاقتارىنىڭ قاۋىمداستىعىنىڭ Instagram پاراقشاسىندا جانە You Tube كانالاندا تىكەلەي̆ ەفير ارقىلى سۇحبات بەرەدى.

باعدارلامانىڭ جۇرگىزۋشىسى - سىرىمبەك تولەۋۇلى.

وسى ۋاقىتقا دەي̆ىن «اق نيەت» ونەر ورتالىعىنىڭ art-ديرەكتورى، رەسەي̆لىك قانداسىمىز سۆەتلانا البيكوۆا، «ومبى» قازاقتارى ۇي̆ىمىنىڭ توراعاسىنىڭ ورىنباسارى تورعىن اشەنوۆا، دۇنيەجۇزى قازاقتارى قاۋىمداستىعىنىڭ تورالقا مۇشەسى، قازاق-تۇرىك ءبىلىم جانە زەرتتەۋ قاۋىمداستىعىنىڭ توراعاسىنىڭ ءبىرىنشى ورىنباسارى، «قازاق ەلى» جۋرنالىنىڭ باسپاگەرى شابان سەركان دينچتۇرك، "Tau group of companies" باسشىسى سىرىمبەك تاۋۇلىمەن سۇقبات ۇي̆ىمداستىرىلدى.

سونداي̆-اق، «قانداستار كوشى نەگە سايابىرسىپ قالدى؟» دەگەن تاقىرىپتا ءماجىلىس دەپۋتاتى نۇرجان التاەۆ سۇحبات بەردى.

الداعى سۇحبات 22 مامىردا ۇي̆ىمداستىرىلادى. كەشتىڭ قوناعى - تۇركيانىڭ ميمار سينان كوركەم ونەر ۋنيۆەرسيتەتىنىڭ پروفەسسورى، الاش قوزعالىسىنىڭ قاي̆راتكەرى مۇستافا شوقاي̆دىڭ ءومىرى مەن مۇراسىن زەرتتەگەن عالىم ابدۋاقاپ قارا.

سونىمەن قاتار، ەڭبەك، الەۋمەتتىك قورعاۋ جانە كوشى-قون كوميتەت كوشى-قون پروتسەستەرىنىڭ مونيتورينگى باسقارماسىنىڭ باسشىسى داستان اي̆تقۇلوۆ وزەكتى سۇراقتارعا جاۋاپ بەرەدى دەپ جوسپارلانىپ وتىر.

سوڭعى جاڭالىقتار