21 مامىر, 18:42 424 0 مادەنيەت انار لەپەسوۆا

تۋعان كۇنىنە تارتۋ: ديماشتىڭ قۇرمەتىنە قىتايدا 3 مىڭ اعاش وتىرعىزىلدى

ديماش قۇدايبەرگەننىڭ جانكۇيەرلەرى ونىڭ تۋعان كۇنىنە وراي 3 مىڭعا جۋىق كوشەت وتىرعىزدى. بۇل تۋرالى ءانشىنىڭ فان-كلۋبى Instagram جەلىسىندە حابارلادى. 

«ديماشتىڭ 26 جاسىنا ارنايى سىيلىق. Dears (فان-كلۋب) ديماشتىڭ اتىنان قىتايدىڭ سولتۇستىك-باتىسىنداعى ءشول دالاعا 2780 ءتۇپ اعاش وتىرعىزىلدى. بۇل قۇم داۋىلىن توقتاتۋعا، جەل ىقپالىن ازايتۋعا جانە قورشاعان ورتانى جاقسارتۋعا كومەكتەسەدى. قوعامنىڭ جاقسارۋى بارلىق زاماندا ماڭىزدى. ءبىز ديماشتىڭ سۇيىسپەنشىلىگى مەن مەيىرىمىن ۇنەمى ەستە ساقتايمىز. سوندىقتان وسىنداي جۇرەك جەر شارىن جاقسارتاتىنىنا ۇمىتتەنەمىز»، - دەپ جازىلعان جانكۇيەرلەر پاراقشاسىندا.

ايتا كەتەيىك، ديماش قۇدايبەرگەن 1994 جىلى 24 مامىردا اقتوبە قالاسىندا دۇنيەگە كەلگەن.

 

سوڭعى جاڭالىقتار