21 مامىر, 15:10 266 0 نۇر وتان انار لەپەسوۆا

Birgemiz قورى 1,3 ملن قازاقستاندىققا كومەك كورسەتتى (ۆيدەو)

ەلباسىنىڭ تاپسىرماسى بويىنشا «Nur Otan» پارتياسى جانە تۇڭعىش پرەزيدەنت قورىنىڭ قولداۋىمەن «Birgemiz» قورى مۇقتاج قازاقستاندىقتارعا اتاۋلى كومەك كورسەتۋدى جالعاستىرۋدا. بۇگىنگە دەيىن 200 مىڭنان استام وتباسى ازىق-تۇلىك سەبەتتەرى مەن ءبىرىنشى كەزەكتە قاجەتتى تاۋارلار الدى. 362 مىڭ وتباسىنا 50 000 تەڭگەدەن تولەنىپ، بۇل جالپى 1,3 ملن. استام قازاقستاندىقتى قامتىدى.

جۇرگىزىلىپ جاتقان جۇمىستىڭ ارالىق ناتيجەلەرى تۋرالى بەينەروليكتى «Nur Otan» پارتياسى توراعاسىنىڭ ءبىرىنشى ورىنباسارى باۋىرجان بايبەك ءوزىنىڭ Instagram پاراقشاسىندا جاريالادى.

سونداي-اق، نۇروتاندىقتار تۇركىستان وبلىسىنداعى سۋ تاسقىنىنان زارداپ شەككەن اۋىلداردىڭ تۇرعىندارىنا بەلسەندى تۇردە كومەك كورسەتۋدە. «Nur Otan» پارتياسىنىڭ بارلىق فيليالدارىنان ازىق-تۇلىك، كيىم-كەشەك، قۇرىلىس ماتەريالدارى جانە جەكە گيگيەنا قۇرالدارى تۇرىندەگى 1000 توننادان استام گۋمانيتارلىق كومەك جىبەرىلدى.

«مەملەكەت باسشىسى قاسىم-جومارت توقاەۆ اتاپ كورسەتكەندەي، سۋ تاسقىنىنان زارداپ شەككەن تۇرعىندار تولىقتاي قايتا جوندەۋدەن وتكەن نەمەسە جاڭا سالىنعان ۇيلەرمەن قامتاماسىز ەتىلەدى. الەۋمەتتىك نىسانداردى، ينجەنەرلىك جەلىلەر مەن جولداردى قالپىنا كەلتىرۋگە 14 ميلليارد تەڭگەدەن اسا قاراجات ءبولىندى. تۇڭعىش پرەزيدەنت نۇرسۇلتان نازارباەۆتىڭ باستاماسىمەن «Birgemiz» قورى دا قوسىمشا كومەك كورسەتەدى. قور دوستىق اۋىلىنىڭ زارداپ شەككەن بارلىق تۇرعىنىن جاڭا باسپانامەن قامتاماسىز ەتەدى. اتاپ ايتقاندا، ولار ءۇشىن مىرزاكەنت ەلدى مەكەنىندە 20 ءۇي سالىنادى»، - دەلىنگەن بەينەروليكتە.

ايتا كەتەيىك، بۇعان دەيىن «Nur Otan» پارتياسى توراعاسىنىڭ ءبىرىنشى ورىنباسارى وبلىس اكىمى ومىرزاق شوكەەۆپەن بىرگە بولىنگەن جەرلەردى ارنايى بارىپ ارالاپ، جەرگىلىكتى تۇرعىندارمەن كەزدەسكەن ەدى. بۇل جەردە سامان كەسەكتەن تۇرعىزىلعان ۇيلەردىڭ ورنىنا گاز بلوكتارىنان اۋدانى 100 شارشى مەتردى قۇرايتىن 4 بولمەلى ۇيلەر سالىنادى. وسى ماقساتتا قامقورشىلىق كەڭەستىڭ شەشىمىمەن «Birgemiz» قورىنان 340 ميلليون تەڭگە ءبولىندى. باۋىرجان بايبەك قۇرىلىس جۇمىستارىنىڭ ساپاسى اۆتورلىق جانە تەحنيكالىق باقىلاۋ سالاسىنداعى مامانداردىڭ قاتىسۋىمەن، ەرەكشە پارتيالىق باقىلاۋدا بولاتىنىن اتاپ ءوتتى.

سوڭعى جاڭالىقتار