21 مامىر, 13:44 272 0 جاھان انار لەپەسوۆا

ۋحاندا جابايى جانۋارلاردى وسىرۋگە جانە جەۋگە تىيىم سالىندى

قىتادىڭ ۋحان قالاسىنىڭ بيلىگى بەس جىل بويى جابايى اڭداردى تاعام رەتىندە پايدالانۋعا، ولاردى ءوسىرىپ، ساتۋعا جانە جارنامالاۋعا، سونداي-اق، اۋلاۋعا تىيىم سالدى، دەپ حابارلايدى ربك.

قاۋلى قالا بيلىگىنىڭ سايتىندا جاريالاندى. تىيىم قۇجات جارىق كورگەننەن باستاپ بەس جىلعا دەيىن كۇشىن جويمايدى. شەكتەۋ جەر بەتىندەگى بارلىۇ جابايى جانۋارلارعا قاتىستى. تەك عىلىمي زەرتتەۋلەر، پوپۋلياتسيانى رەتتەۋ ماقساتىندا جانە باسقا دا ەرەكشە جاعدايلاردا عانا اڭ اۋلاۋعا رۇقسات ەتىلەدى. ول ءۇشىن جەرگىلىكتى بيلىكتەن رۇقسات الۋ قاجەت.

جابايى جانۋارلاردى جاساندى وسىرۋگە تەك جانۋارلار تۇرلەرىن ساقتاۋ، عىلىمي زەرتتەۋلەر مەن دەمونستراتسيالاۋ ماقساتىندا باقىلاۋشى ورگانداردىڭ ماقۇلداۋىمەن عانا جول بەرىلەدى. جابايى جانۋارلاردى وسىرەتىن كاسىپورىندار مەن ءۇي شارۋاشىلىقتارىنا وتەماقى تولەنبەك.

 

سوڭعى جاڭالىقتار