21 مامىر, 13:11 250 0 جاڭالىقتار انار لەپەسوۆا

تولەبي اۋدانىندا 38 ءۇي ءسۇرىلىپ، قايتا سالىنادى

تۇركىستان وبلىسى تولەبي اۋدانىندا سۋ تاسقىنىنان كەلگەن زارداپتى قالپىنا كەلتىرۋ جۇمىسى قىزۋ ءجۇرىپ جاتىر.

جۇمىسقا 8 مەردىگەر كومپانيا مەن 6 ينجينيرينگتىك قىزمەت كورسەتۋشى مەكەمە جۇمىلدىرىلعان. اۋداندا مامانداردىڭ قورىتىندىسىمەن 38 ءۇي جارامسىز دەپ تانىلعان بولاتىن. قازiرگi تاڭدا 17 ءۇي بۇزىلىپ جاتىر. ونىڭ iشiندە 3 ءۇيدىڭ iرگەتاسىن قۇيۋ جۇمىستارى باستالدى.

سەل سالدارىنان 78 ازامات ەۆاكۋاتسيا ورتالىعىنا جاتقىزىلسا، قازىرگى تاڭدا 40-تان استام ازامات اعايىن-تۋىستارىنىڭ ۇيىنە جايعاسقان.

اۋدان اكىمى باۋىرجان وماربەكوۆتىڭ ايتۋىنشا، ەۆاكۋاتسيا ورتالىعىندا ورنالاسقان ازاماتتار ءۇش مەزگىل تاماقپەن قامتىلعان. ولارعا بارلىق قاجەتتى جاعداي جاسالعان.

«زارداپ شەككەن 38 باسپانا تولىقتاي ءسۇرىلىپ، ورنىنا جاڭا باسپانا سالىنادى. ولاردى قالپىنا كەلتىرۋ جۇمىستارىنا 510 ملن تەڭگە باعىتتالماق. جالپى قۇرىلىس جۇمىستارىن 1.5-2 اي ىشىندە اياقتاۋدى جوسپارلاپ وتىرمىز»،- دەدى باۋىرجان وماربەكوۆ.

 

سوڭعى جاڭالىقتار