21 مامىر, 09:05 261 0 ايماق انار لەپەسوۆا

جامبىل وبلىسىندا جىل باسىنان بەرى 400 كەلىدەن استام ەسىرتكى تاركىلەنگەن

جىل باسىنان بەرى جامبىلدىق پوليتسەيلەر 160-تان استام ەسىرتكىمەن بايلانىستى قىلمىستى اشتى.

وڭىردە جىل باسىنان بەرى زاڭسىز اينالىمنان 400 كيلوگراممنان استام ەسىرتكى زاتى تاركىلەنگەن. بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى حابارلادى.

حابارلامادا جامبىل وبلىسىنىڭ پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى كورسەتىلگەن مەرزىمدە 162 ەسىرتكى قىلمىسىن انىقتاعانى ايتىلعان.

«انىقتالعان قىلمىستاردىڭ ىشىندە ەسىرتكىنى وتكىزۋدىڭ 40 دەرەگى، ونى اسا ءىرى كولەمدە ساقتاۋدىڭ 19 دەرەگى، ەسىرتكى قۇرالدارىن ناسيحاتتاۋدىڭ 3 دەرەگى نەمەسە ونى زاڭسىز جارنامالاۋ، ەسىرتكى قۇرالدارى كونترابانداسىنىڭ ەكى دەرەگى جانە ەسىرتكىنى پايدالانۋ ءۇشىن پريتوندار ۇيىمداستىرۋ جانە ۇستاۋ دەرەكتەرى بار. سونداي-اق، زاڭسىز اينالىمنان 400 مىڭ كيلوگراممنان استام ءتۇرلى ەسىرتكى قۇرالدارى، ونىڭ ىشىندە 17 كيلوگراممنان استام گاشيش، ءبىر كيلوگراممنان استام گەروين جانە ءبىر كيلوگراممعا جۋىق سينتەتيكالىق ەسىرتكى تاركىلەندى»،-دەلىنگەن ۆەدومستۆو مالىمدەمەسىندە.

 

سوڭعى جاڭالىقتار