19 مامىر, 18:22 703 0 جاڭالىقتار اسىل تۇمار

ەلباسى نۇرلان نىعماتۋليندى قابىلدادى

ەلباسى پارلامەنت ءماجىلىسىنىڭ توراعاسى نۇرلان نىعماتۋليندى قابىلدادى. بۇل تۋرالى elbasy.kz سايتى جازدى.

كەزدەسۋ بارىسىندا نۇرسۇلتان نازارباەۆقا پارلامەنت ماجىلىسىندەگى «Nur Otan» فراكتسياسىنىڭ قازىرگى قىزمەتى مەن پارتيانىڭ سايلاۋالدى باعدارلاماسىن جۇزەگە اسىرۋعا باقىلاۋ جۇرگىزۋ بارىسى تۋرالى اقپارات ۇسىنىلدى.

ن.نىعماتۋليننىڭ مالىمەتى بويىنشا، ءماجىلىستىڭ قاراۋىنداعى 137 زاڭ جوباسىنىڭ 40-تان استامىن «Nur Otan» فراكتسياسىنىڭ دەپۋتاتتارى ازىرلەدى.

سونىمەن قاتار ەلباسىنا ەلىمىزدىڭ داعدارىسقا قارسى دامۋىن زاڭنامالىق قامتاماسىز ەتۋ اياسىندا ەكونوميكالىق ءوسىمدى قالپىنا كەلتىرۋ جونىندەگى ۇكىمەتتىڭ كەشەندى جوسپارىنا پارلامەنتتىك فراكتسيانىڭ ازىرلەنگەن ۇسىنىستارى تۋرالى مالىمەت بەرىلدى.

سوڭعى جاڭالىقتار