15 مامىر, 20:36 328 0 ادەبيەت ارايلىم بيمەنديەۆا

IV «اباي وقۋلارى» باستالدى

ەلباسى كىتاپحاناسى قازاقتىڭ ۇلى اقىنى، كومپوزيتورى، اعارتۋشىسى جانە عۇلاما ويشىلى اباي قۇنانبايۇلىنىڭ 175 جىلدىعىنا ارنالعان جىل سايىنعى «اباي وقۋلارى» ادەبي ەستافەتاسىن باستادى.

ەستافەتانىڭ ماقساتى – ەلباسى ن.نازارباەۆتىڭ «رۋحاني جاڭعىرۋ» باعدارلاماسىنا جانە قازاقستان رەسپۋبليكاسىنىڭ پرەزيدەنتى ق.ك.توقاەۆتىڭ ابايدىڭ 175 جىلدىق مەرەيتويىن وتكىزۋ تۋرالى باستاماسىنا اقپاراتتىق-يميدجدىك قولداۋ كورسەتۋ جانە ابايدىڭ ادەبي مۇراسىن كەڭىنەن ناسيحاتتاۋ، قازاقستاندىق جاستار اراسىندا وقۋ مادەنيەتىن جانە ادەبي تالعامدى جاساقتاۋ.

ادەبي ەستافەتانىڭ شارتتارى تومەندەگىدەي:

  1. ابايدىڭ شىعارمالارىنىڭ ءبىرىن مانەرلەپ وقىپ، بەينەماتەريالعا ءتۇسىرۋ (قازاق، ورىس، اعىلشىن جانە باسقا تىلدەردە) جانە ەستافەتانى ودان ءارى جالعاستىراتىن ادامدى بەلگىلەۋ.
  2. بەينەماتەريالدى Facebook, Instagram الەۋمەتتىك جەلىلەرىنىڭ بىرىنە #ەلباسىكىتاپحاناسىاباي، #ابايدىوقيمىز175 نەمەسە #بيبليوتەكاەلباسىاباي، #چيتاەمابايا175 حەشتەگتەرىمەن جۇكتەۋ.
  3. ەستافەتا 2020 جىلعى 14 مامىر مەن 20 تامىز ارالىعىندا وتەدى.

ادەبي ەستافەتانىڭ قورىتىندىسى بويىنشا مانەرلەپ وقۋدان وزىق شىققان قاتىسۋشىلار باعالى سىيلىقتارمەن ماراپاتتالادى.

سوڭعى جاڭالىقتار