12 مامىر, 19:56 404 0 ايماق ارايلىم بيمەنديەۆا

تۇركىستان: كارانتين رەجيمى 25 مامىرعا دەيىن سوزىلادى

تۇركىستان وبلىسىندا كارانتين رەجيمى 25 مامىرعا دەيىن ۇزارتىلدى. بۇل رەتتە بىرقاتار شەكتەۋلەر ساقتالادى. بۇل تۋرالى تۇركىستان وبلىسى اكىمىنىڭ ورىنباسارى ساكەن قالقامانوۆ ونلاين-بريفينگتە مالىمدەدى.

اتاپ ايتقاندا، كورشى ايماقتارمەن شەكاراداعى سانيتارلىق بلوك-بەكەتتەر جۇمىسىن جالعاستىرادى. تۇرعىندارعا قالاارالىق، اۋدانارالىق جانە ەلدىمەكەندەر اراسىندا قاتىناۋعا قويىلعان شەكتەۋ كۇشىندە قالادى.

قوعامدىق ورىندار مەن دەمالىس ورىندارى، ساياباقتار جۇمىسىن باستايدى.

كارانتين رەجيمى اياقتالعانشا ەلدىمەكەن ىشىندەگى قوعامدىق كولىكتەر مەن ءدىني باعىتتاعى نىساندار جۇمىسىن باستامايدى.

سپورتتىق، مادەني ءىس-شارالار وتكىزىلمەيدى. ازىق-تۇلىك بازارلارىنىڭ جۇمىسى تاڭعى ساعات 10.00 مەن كەشكى 17.00 اراسىندا جالعاسسا، كيىم-كەشەك، وزگە دە زاتتار ساتاتىن دۇكەندەر دەزينفەكتسيا جۇمىستارىن كۇشەيتىلگەن رەجيمدە جۇرگىزە وتىرىپ، تاڭعى 9.00-20.00 ارالىعىندا جۇمىس ىستەيدى.

بالاباقشالاردا كەزەكشى توپتار ءوز جۇمىسىن باستايدى. الايدا، مۇندا تەك اۋرۋحانادان انىقتاماسى بار تاربيەشىلەر عانا جۇمىس ىستەۋى ءتيىس. بۇلدىرشىندەردىڭ دەنساۋلىعىنا قاتىستى انىقتاما تالاپ ەتىلەدى.

سۇلۋلىق سالوندارى، تىگىن تسەحى، اياق كيىم جوندەۋ ورىندارى، شاشتاراز، ءتىس ەمدەۋ، ەم جاساۋ ورىندارى سەكىلدى شاعىن كاسىپكەرلىك نىساندارى دا الدىن-الا جازىلۋ تاسىلىمەن جۇمىسىن باستاي الادى.

مەملەكەتتىك مەكەمە قىزمەتكەرلەرىنىڭ 50 پايىزى جۇمىستى قاشىقتىقتان جالعاستىرادى.

ۇيدەن شىعۋعا، سەرۋەندەۋگە تەك ماسكا تاعىپ، ارا قاشىقتىقتى ساقتاعان جاعدايدا رۇقسات ەتىلەدى.

تۇرعىلىقتى جەردە وتباسىلىق مەرەكەلەر، تۋعان كۇن، توي-جيىن وتكىزۋگە، ءۇش ادامنان ارتىق توپتىڭ كوشەدە جانە قوعامدىق ورىنداردا جينالۋىنا سالىنعان تىيىم كۇشىندە قالادى. جاسى 65 جاستان اسقان ازاماتتاردى وقشاۋلاۋ جالعاسادى.

حالىققا قىزمەت كورسەتۋ قىزمەتى ورتالىعى مەن ەكىنشى دەڭگەيلى بانكتەر، «قازپوشتا» بولىمشەلەرى قازىرگى تاڭدا جۇمىسىن باستادى. دەمالىس ورىندارى، قوناق ۇيلەر، تۋريستىك نىساندارعا سانيتارلىق تالاپتاردى ساقتاعان جاعدايدا جۇمىسىن باستاۋعا رۇقسات ەتىلەدى.

حالىقتىڭ تىرشىلىگىن قامتاماسىز ەتۋ ءۇشىن قاجەتتى ازىق-تۇلىك، زاتتار مەن ونەركاسىپ، قۇرىلىس نىساندارىنداعى جانە كوكتەمگى ەگىس جۇمىستارىنا قاجەت وندىرىستىك تاۋارلار مەن ماتەريالدار، مەديتسينالىق زاتتار تاسۋعا رۇقسات قاعازى بار اۆتوكولىكتەر مەن ازاماتتار جانە مەديتسينالىق كومەك قاجەت بولعان ازاماتتار عانا وبلىس اۋماعىنا كىرىپ-شىعا الادى.

سوڭعى جاڭالىقتار