8 مامىر, 12:41 488 0 نۇر وتان ارايلىم بيمەنديەۆا

Nur Otan: Biz birgemiz اكتسياسىنا 3 000 ەرىكتى قاتىستى

Nur Otan پارتياسى كۇن سايىن حالىقتىڭ الەۋمەتتىك از قامتىلعان توبىنا كومەك كورسەتۋدەن قالىس قالمايدى.  اتاپ ايتار بولساق، قر تۇڭعىش پرەزيدەنتى – ەلباسى، Nur Otan پارتياسىنىڭ كوشباسشىسى ن.نازارباەۆتىڭ تاپسىرماسىمەن حالىقتىڭ الەۋمەتتىك از قامتىلعان توبىنا اتاۋلى كومەك كورسەتۋ ءۇشىن قر تۇڭعىش پرەزيدەنتى قورىنان جانە Nur Otan پارتياسى اتىنان (دەمەۋشىلىك كومەك جانە پارتيا قىزمەتكەرلەرىنىڭ ءبىر كۇندىك جالاقىسى) 400 ملن تەڭگەدەن استام قارجى ءبولىندى.  بولىنگەن قارجى «الەۋمەتتىك پاكەتتەر»، قاجەتتى ازىق-تۇلىك جانە گيگنيەنالىق قۇرالدارعا جۇمسالدى.

سونىمەن قاتار «جاس وتان» جاستار قاناتىنى ەرىكتىلەر قوزعالىسى رەسپۋبليكالىق Biz birgemiz اكتسياسىن ىسكە اسىرۋعا اتسالىسۋدا. ولار Biz birgemiz اكتسياسى اياسىندا 19 ناۋرىزدان باستاپ ەلىمىز بويىنشا كومەككە مۇقتاج جاندارعا ازىق-تۇلىك سەبەتتەرى، مەديتسينكالىق ماسكالار جانە گيگيەنالىق قۇرالداردى ۇيلەرىنە جەتكىزۋمەن اينالىسىپ ءجۇر.

نۇر-سۇلتان، الماتى جانە شىمكەنت قالالارىندا 5 ميلليون مەديتسينالىق ماسكا تاراتىلدى. ەلىمىز بويىنشا 65 مىڭنان استام كومەككە مۇقتاج وتباسىلارعا ازىق-تۇلىك سەبەتى پەن گينيەنالىق قۇرالدار تاراتىلىپ، 1 500 ادام ىستىق تاماقپەن قامتاماسىز ەتىلدى.

جالپى ەلىمىزدە Biz birgemiz اكتسياسىنا 3 000 ەرىكتى تارتىلدى. ىندەتتەن سوڭ ەرىكتىلەر سانىنىڭ بۇدان دا كوبەيەدى دەۋگە بولادى، ويتكەنى توتەنشە جاعداي كەزىندە ادامدارعا كومەك قولىن سوزۋعا اسىققانداردىڭ سانى ارتتى.

سوڭعى جاڭالىقتار