30 ءساۋىر, 17:25 564 0 ەكونوميكا انار لەپەسوۆا

توتەنشە جاعداي كەزىندە تابىسى ارتقان سالالار اتالدى

كوروناۆيرۋستىڭ تارالۋى ەل ەكونوميكاسىنىڭ بىرقاتار سالاسىن تۇرالاتتى. دەسە دە، توتەنشە جاعداي كەزىندە تابىسى ەسەلەنگەن سالالار دا بار. 

«اتامەكەن» ۇلتتىق كاسىپكەرلەر پالاتاسىنىڭ باسقارما توراعاسى ابىلاي مىرزاحمەتوۆ كىرىسى ارتقان سالالاردى اتادى.

«ونلاين جەتكىزۋ قىزمەتتەرىنىڭ اينالىمى 3-5 ەسەگە دەيىن ارتتى. توتەنشە جاعداي كەزىندە بۇل سالا كەڭىنەن دامىدى. ارينە، قويمالاردىڭ جەتىسپەۋى سىندى كەمشىلىكتەر دە انىقتالدى. ازىق-تۇلىك جانە اگرارلىق سەكتورداعى تابىس 2,6 پايىزعا ارتتى. مەديتسينا سالاسىندا دا ءوسىم بايقالادى، ويتكەنى حالىق مەديتسينالىق ماسكالار مەن ءتۇرلى پرەپاراتتاردى ساتىپ الدى»، - دەدى ا. مىرزاحمەتوۆ ونلاين بەرگەن سۇحباتىندا.

مەملەكەتتىك ساتىپ الۋلار بيۋدجەتىنىڭ نەگىزگى بولىگى قۇرىلىس سالاسىنا باعىتتالعانىن اتاپ وتكەن سپيكەر وسى سالاداعى تەندەرلەردى وتكىزۋ پروتسەسىن باقىلاۋدا ۇستاۋ قاجەتتىگىن ەسكەرتتى.

«3,9 ترلن تەڭگە نەمەسە بيۋدجەتتىڭ 85 پايىزى قۇرىلىس سالاسىنا بولىنگەن. اۋقىمدى قاراجات بولىنگەندىكتەن، بۇل سالالادا دا ىلگەرىلەۋ بايقالۋى ءتيىس. بەس كۇننەن بەرى تەندەرلەر جەڭىلدەتىلگەن تۇردە ءوتىپ جاتىر. ولاردى وتاندىق كاسىپورىنداردىڭ العانى ماڭىزدى. ازىرگە 2 ترلن تەڭگەگە تەندەرلەر وتكىزىلدى. وسى پروتسەستى مۇقيات قاداعالاپ، قاراجاتتىڭ قايدا كەتىپ جاتقانىن باقىلاۋعا شاقىرامىن»، - دەدى پالاتا توراعاسى.

 

سوڭعى جاڭالىقتار