6 مامىر, 18:40 594 0 اتاجۇرت باقىتبەك قادىر

قانداستارعا بايقاۋ جاريالاندى

حالقىمىزدىڭ ويشىل اقىنى اباي قۇنانبايۇلىنىڭ تۋعانىنا بيىل 175 جىل. ۇلتىمىزدىڭ ۇلى تۇلعاسىنىڭ مەرەيتويىن مەملەكەت كولەمىندە جانە حالىقارالىق دەڭگەيدە لايىقتى اتاپ ءوتۋ ءۇشىن ەلىمىزدە ارنايى ۇكىمەتتىك كوميسسيا قۇرىلىپ، اۋقىمدى ءىس-شارالار جوسپارى تۇزىلگەنى بارشاعا ايان.

اباي شىعارمالارى ارقىلى  قانداستاردىڭ قازاق ءتىلى مەن ادەبيەتىنە، ۇلتى مەن جۇرتىنا، ەلى مەن جەرىنە قۇشتارلىعىن ارتتىرا ءتۇسۋ ءۇشىن 2020 جىلعى 28 ءساۋىر - 28 مامىر ارالىعىندا الىس-جاقىن شەت ەلدەردەگى ەتنيكالىق قازاق جاستارى اراسىندا حالىقارالىق بايقاۋ ۇيىمداستىرىلادى. بايقاۋعا 18 جاستان باستاپ 35 جاسقا دەيىنگى جاستار قاتىسىپ، ءوزارا باق سىناسا الادى.

بايقاۋ شارتتارى:

-        بايقاۋعا الىس-جاقىن شەت ەلدەردەگى ەتنيكالىق قازاقتاردىڭ 18 بەن 35 جاس اراسىنداعى ۇل-قىزدارى - قانداس جاستار قاتىسا الادى.

-        بايقاۋعا قاتىسۋشى تالاپكەر ۇلتىمىزدىڭ ۇلى اقىنى، قازاق جازبا ادەبيەتىنىڭ نەگىزىن قالاۋشى، فيلوسوف، اعارتۋشى، كومپوزيتور  اباي قۇنانباەۆتىڭ ءوزى قالاعان كەز-كەلگەن شىعارماسىنان ءۇزىندى جاتتاپ:

-        اباي ولەڭىنىڭ بىرىنەن ءۇزىندى وقۋى  (كەمىندە ەكى-ءۇش شۋماق)

-        ابايدىڭ «قارا سوزدەرىنىڭ» بىرىنەن ءۇزىندى وقۋى (كەمىندە ءبىر ابزاتس)

-        اباي اندەرىنىڭ بىرىنەن ءۇزىندىنى (كەمىندە ءبىر شۋماق+قايىرماسىمەن) مازمۇنىنا ساي مانەرلەپ، ناقىشىنا كەلتىرە ورىنداۋى كەرەك.

-        ابايدىڭ ولەڭىنەن، «قارا سوزىنەن» جانە انىنەن ءۇزىندى ورىنداعان تالاپكەر ءوزىنىڭ اتى-ءجونىن، قاي ەلدە، قاي جەردە تۇراتىنىن بەينەجازبانىڭ (ۆيدەوروليك) ەڭ باسىندا داۋىستاپ ايتىپ، قوسا جازۋى كەرەك.

-        بايقاۋعا قاتىسۋشى اباي شىعارمالارىنان ءۇزىندى ورىنداعان ءوزىنىڭ ۆيدەوجازباسىن ءوز قولايىنا قاراي الەۋمەتتىك جەلىگە (Faسebook,  Instagram, Twitter, VKontakte ) #OtandastarAbai175 حەشتەگىمەن سالىپ، «وتانداستار قورىنىڭ» پاراقشاسىن تومەندە كورسەتىلگەن رەسمي پاراقشالارىنىڭ ءبىرىن بەلگىلەۋى ءتيىس:

-        بايقاۋعا جولداناتىن بەينەجازبالاردى (ۆيدەوروليكتەردى) قابىلداۋدىڭ مەجەلى مەرزىمى: 28 ءساۋىر - 28 مامىر ارالىعى، 2020ج;

-        جۇلدەگەرلەر 1-ماۋسىمدا انىقتالىپ، ۇزدىك ۇشتىككە ەنگەندەردىڭ ەسىمدەرى  1 ماۋسىم -  حالىقارالىق بالالاردى قورعاۋ كۇنىندە جاريا ەتىلەدى جانە «وتانداستار قورىنىڭ» سايتى مەن الەۋمەتتىك جەلىلەرىندە جازىلادى.

-        بايقاۋعا جولدانعان بەينەروليكتەردى بىلىكتى مامانداردان قۇرىلعان قازىلار القاسى ىرىكتەپ-سۇرىپتاپ، ەڭ ۇزدىك دەپ تانىلعان 3 ء(ۇش) تالانتتى تالاپكەر جۇلدەگەر دەپ تانىلادى.

-        جۇلدەلى ورىندار: I ورىن - بىرەۋ; II ورىن - بىرەۋ; III ورىن – بىرەۋ. جالپى 3 جۇلدە.

-        3 ء(ۇش) جۇلدەگەرگە دە «تۋعان ەلگە ساياحات» تۋريستىك پويىزىنا تەگىن جولداما بەرىلەدى.

«تۋعان ەلگە ساياحات» تۋريستىك پويىزى كەڭ-بايتاق قازاقستاننىڭ وڭىرلەرىنە ساياحات جاساتىپ، تاريحي-مادەني ەسكەرتكىشتەرگە باي، ءارى تابيعاتى تاماشا ولكەلەرمەن ەتەنە تانىستىرادى.

-        ساياحات جاسايتىن ساپار ۋاقىتى قوسىمشا حابارلانىپ، جۇلدەگەرلەر الدىن الا قۇلاعدار ەتىلەدى.

-        ۇزدىك ۇشتىككە ەنگەن شەتەلدىك 3 جۇلدەگەر قانداستىڭ قازاقستانعا كەلىپ-كەتەتىن جول شىعىنىن، كۇتىپ الۋ-شىعارىپ سالۋ جانە تۋريستىك توپقا قوسۋ مىندەتىن «وتانداستار قورى» كەاق موينىنا الادى.

-        بايقاۋ تۋرالى اقپاراتتىق ماتەريالدار «وتانداستار قورىنىڭ» سايتى مەن الەۋمەتتىك جەلىلەردە ورنالاستىرىلادى.

ۇلى اقىننىڭ ۇلاعاتىن پاش ەتۋگە ارنالعان بايقاۋدا بارشاڭىزعا ساتتىلىك تىلەيمىز!

 

سوڭعى جاڭالىقتار