5 ءساۋىر, 10:35 952 0 ايماق ارايلىم بيمەنديەۆا

«مەركى-بۋرىلبايتال» تاسجولى اشىلادى

جامبىل وبلىسىنا قاراستى ءتاتتى، شۋ جانە بىرلىك ەلدى مەكەندەرىن اينالىپ وتۋگە مۇمكىندىك بەرەتىن، ۇزىندىعى 262 شاقىرىمدىق «مەركى-بۋرىلبايتال» اۆتوموبيل جولىن قايتا جاڭارتۋ جۇمىستارى جالعاسىپ جاتىر.

تاسجولدى قايتا جاڭارتۋ جوباسىنا سايكەس مەركىدەن شۋعا دەيىنگى 86 شاقىرىمدىق جول ۋچاسكەسى 4 جولاعى بار ءى تەحنيكالىق ساناتقا جاتقىزىلادى. ال ۇزىندىعى 176 شاقىرىمدى قۇرايتىن شۋ قالاسىنىڭ بۇرما جولىنان بۋرىلبايتالعا دەيىنگى جول ۋچاسكەسى 2 جولاعى بار ءىى تەحنيكالىق ساناتقا كىرەدى.

جوبا بويىنشا ەلدى مەكەندەر جانىندا 6 كوپىر، 3 تەمىرجول وتپەسى، جارىقتاندىرىلعان 11 جول ايرىعى، 276 قۇبىر، دەمالىس الاڭدارى، سونداي-اق اۆتوپاۆيلوندار سالىنادى.

تاسجولدى قايتا جاڭارتۋ جۇمىستارىنا 607 تەحنيكا مەن 1 500 جۇمىسشى جۇمىلدىرىلعان. اتالمىش جولداعى قوزعالىس 2020 جىلدىڭ سوڭىنا دەيىن اشىلادى دەپ جوسپارلانىپ وتىر.

سوڭعى جاڭالىقتار