3 ءساۋىر, 19:51 611 0 ءبىلىم انار لەپەسوۆا

شالعاي اۋىلدارداعى وقۋشىلار پوشتا ارقىلى ساباق وقيدى – مينيستر

ەلىمىزدىڭ شالعاي ەلدى مەكەندەرىندەگى ينتەرنەت قولدانۋ مۇمكىندىگى جوق وقۋشىلارعا ءبىلىم بەرۋ ءۇشىن پوشتا قىزمەتى پايدالانىلادى. بۇل تۋرالى قر ءبىلىم جانە عىلىم ءمينيسترى اسحات ايماعامبەتوۆ ايتتى. 

«وقۋشىلاردى قاشىقتان وقىتۋىڭ ءبىر تەتىگى – راديو. «قازاق راديوسى» ارقىلى بۇل مەحانيزمدى قوسىمشا قۇرال رەتىندە ىسكە اسىرامىز. اۋديو ساباقتاردى «قازاق راديوسىنا» بەرىپ جاتىرمىز. وسى راديونى تەلەديدارى جوق وقۋشىلار قوسىمشا قۇرال رەتىندە قولدانا الادى. راديو ارقىلى ساباق وقيتىنداي مۇمكىندىك جاساپ وتىرمىز»، - دەيدى قر ءبىلىم جانە عىلىم ءمينيسترى اسحات ايماعامبەتوۆ.

مينيستر وقۋشىلاردى قاشىقتان وقىتۋعا پوشتا قىزمەتىن پايدالانۋ دا كوزدەلىپ وتىرعانىن جەتكىزدى.

«قازپوشتا» اق-مەن كەلىسىمگە قول قويدىق. ەلىمىز بويىنشا مەكتەبى جوق ەلدى مەكەندەر بار. ونداي ەلدى مەكەندەر سانى – 1 200-گە جۋىق. ونداي جەرلەردە ارى كەتسە 5-7 وقۋشى بار. ول بالالار باسقا ەلدى مەكەندەرگە بارۋ ارقىلى ساباق وقيتىن. وسى بالالاردى ساباق وقىتۋمەن قامتۋ پوشتا ارقىلى جۇزەگە اسادى. ينتەرنەت ارقىلى وقيتىن بالالار دا كەرى بايلانىس ورناتۋ ءۇشىن پوشتا قىزمەتىن قولدانۋعا مۇمكىندىكتەرى بار»، - دەيدى ول.

 

سوڭعى جاڭالىقتار