30 ناۋرىز, 17:25 5412 0 جاڭالىقتار اسىل تۇمار

ادام اعزاسى كوروناۆيرۋستى ءوز بەتىنشە جەڭە الادى – زەرتتەۋ

سۋرەت عالامتوردان الىندى
سۋرەت عالامتوردان الىندى

مەلبۋرن ۋنيۆەرسيتەتىنىڭ عالىمدارى يممۋنيتەتى جاقسى ادامداردىڭ اعزاسى كوروناۆيرۋس ينفەكتسياسىن ءوز بەتىنشە جەڭە الادى دەگەن قورىتىندىعا كەلدى.

«حابار24» تەلەارناسىنىڭ Nature Medicine جۋرنالىنا سىلتەمە جاساي وتىرىپ ۇسىنعان حابارىندا اۋسترالياعا قىتايدىڭ ۋحان قالاسىنىڭ كەلگەن 47 جاستاعى تۇرعىنى زەرتتەۋ نىسانىنا الىنعانى تۋرالى ايتىلادى. كەيىن ايەل ادام كوروناۆيرۋستىڭ بەلگىلەرى – السىزدىك، ەنتىگۋ، قۇرعاق جوتەل جانە قىزۋدىڭ كوتەرىلۋىمەن اۋرۋحاناعا تۇسكەن. ناۋقاستا وعان دەيىن پاتولوگيالىق اۋرۋلار مەن زياندى ادەتتەر بولماعان. اۋرۋحانادا ناۋقاسقا انتيبيوتيكتەر نەمەسە ۆيرۋسقا قارسى پرەپاراتتار بەرىلمەگەن.

دارىگەرلەردىڭ قابىلداعان جالعىز شاراسى اعزاداعى سۋ بالانسىن ساقتاۋ ءۇشىن تامىرعا سۇيىقتىق ەنگىزۋ بولعان ەكەن. ناتيجەسىندە ناۋقاس ەكى اپتادان كەيىن تولىق جازىلىپ كەتكەن.

– ودان الىنعان قان تالداۋىنىڭ ناتيجەلەرى يممۋن جۇيەسىنىڭ جاسۋشالارىنىڭ ءوسۋىن كورسەتتى، بۇل ورگانيزمنىڭ ادەتتەگى ماۋسىمدىق تۇماۋعا قارسى رەاكتسياسى، – دەيدى دارىگەرلەر.

سوڭعى جاڭالىقتار