30 ناۋرىز, 11:41 654 0 جاڭالىقتار اسىل تۇمار

قىزىلوردا وبلىسىنىڭ بۇرىڭعى اكىمى ۇيقاماققا الىندى

سۋرەت عالامتوردان الىندى
سۋرەت عالامتوردان الىندى

قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنەن 28.03.2020 جىلى قىزىلوردا قالاسىنىڭ مامانداندىرىلعان تەرگەۋ سوتىنا قىزىلوردا وبلىسىنىڭ بۇرىڭعى اكىمى ق.يسكاكوۆقا قاتىستى ۇيقاماق تۇرىندەگى بۇلتارتپاۋ شاراسىن قولدانۋ تۋرالى ءوتىنىشحات ءتۇستى.

بۇل تۋرالى قىزىلوردا وبلىستىق سوتىنىڭ ءباسپاسوز قىزمەتى بۇل تۇلعاعا قىلمىستىق كودەكستىڭ 190-بابى 4-بولىگىنىڭ 2-تارماعىمەن كۇدىك كەلتىرىلگەنىن ايتتى.

كۇدىكتى قۋانىشبەك دوسمايلوۆيچ يسكاكوۆقا قاتىستى «ۇيقاماق» تۇرىندەگى بۇلتارتپاۋ شاراسىن قولدانۋ تۋرالى ءوتىنىشحات قاناعاتتاندىرىلدى.

«ۇيقاماق» بۇلتارتپاۋ شاراسىنىڭ 2 (ەكى) اي مەرزىمى 26.03.2020 جىلى ساعات 22:28-دەن باستاپ 26.05.2020 جىلى ساعات 22:28-گە دەيىن بەلگىلەنگەن.

قاۋلى زاڭدى كۇشىنە ەنبەگەن.

سوڭعى جاڭالىقتار