30 ناۋرىز, 11:07 443 0 جاڭالىقتار اسىل تۇمار

BIRGEMIZ: قور قىزمەتى – قوعام باقىلاۋىندا

ەلباسى، «Nur Otan» پارتياسىنىڭ ليدەرى نۇرسۇلتان نازارباەۆتىڭ باستاماسىمەن قۇرىلعان «Birgemiz» قوعامدىق قورى كوروناۆيرۋسقا قارسى كۇرەس جاعدايىندا مۇقتاج جاندارعا قولداۋ كورسەتۋدى ۇيىمداستىرۋدا باسشىلىققا الىناتىن نەگىزگى قاعيداتتارىن بەلگىلەگەنىن بىلەمىز.

العاشقىسى – ەرىكتى جارنا. قايىرىمدىلىق كومەكتى بيزنەس وكىلدەرى تەك جەكە قاراجاتى ەسەبىنەن ەرىكتى تۇردە جاسايدى. بيۋدجەتتىك ۇيىمداردان، سونداي-اق جالاقىدان اۋدارىمدار قابىلدانبايدى.

اتاۋلى كومەك. تىكەلەي جەكە قولداۋ حالىقتىڭ الەۋمەتتىك ءالسىز توپتارىنا (جاسىنا بايلانىستى COVID-19 جۇقتىرۋ قاۋپى جوعارى جاندارعا، كوروناۆيرۋستىڭ زاردابىن شەككەن جانە الەۋمەتتىك-ەكونوميكالىق قيىندىقتارعا ۇشىراعان تۇرمىسى تومەن قازاقستاندىقتارعا) كورسەتىلەدى.

ءادىل كومەك. كومەك الۋشىلاردىڭ ءتىزىمىن انىقتاۋدا سۋبەكتيۆتى پايىمداۋلار مەن داۋلاردى بولدىرماۋ ءۇشىن قور زاڭناما تالاپتارىنا جانە مەملەكەتتىك ورگانداردىڭ (مينيسترلىكتەر مەن اكىمدىكتەردىڭ) رەسمي دەرەكتەرىنە سۇيەنەدى.

قولما-قول اقشاسىز كومەك. بارلىق تولەمدەر، ترانزاكتسيالار، ەسەپ ايىرىسۋلار تەك قولما-قول اقشاسىز جۇزەگە اسىرىلادى، بۇل قارجى شىعىندارىنىڭ اشىقتىعى مەن ايقىندىعىن قامتاماسىز ەتەدى.

وتاندىق وندىرۋشىلەردى قولداۋ. الەۋمەتتىك پاكەتتەردى جاساۋ ءۇشىن تاۋارلار تەك قازاقستاندىق وندىرۋشىلەردەن ساتىپ الىنادى.

قور قىزمەتى – قوعام باقىلاۋىندا. قور جۇمىسى تۋرالى بۇقارالىق اقپارات قۇرالدارىندا جاريالانادى. قورعا تۇسكەن قارجى مەن كورسەتىلگەن كومەك تۋرالى ەسەپ ارنايى سايتتا تۇراقتى تۇردە جاريالانادى.

 

سوڭعى جاڭالىقتار