28 ناۋرىز, 16:29 430 0 جاڭالىقتار اسىل تۇمار

الماتىنى اتتى پاترۋلدەر كۇزەتەدى

سۋرەت عالامتوردان الىندى
سۋرەت عالامتوردان الىندى

كارانتين پەريمەترىنىڭ قول جەتىمسىز جەرلەرىن الماتى پوليتسياسى اتپەن ءجۇرىپ باقىلايدى، – دەپ جازدى قازاقپارات.

جالپى، الماتى قالالىق پد قۇرىلىمىندا قالانىڭ ەرەكشەلىگى مەن ينفراقۇرىلىمى ەسكەرىلىپ اتتى بولىمدەر قاراستىرىلماعان. الايدا توتەنشە جاعدايعا بايلانىستى پوليتسيا قىزمەتكەرلەرى اتپەن پاترۋلدەۋگە شىقتى.

«ادەتتە، اتتى پاترۋلدەر كوپشىلىكتىڭ بەلسەندى قولداۋىمەن ۇيىمداستىرىلادى، ياعني پوليتسياعا جىلقىلاردى تەگىن بەرەتىن ازاماتتاردىڭ كومەگى ارقىلى. بىزدە كولىك وتە المايتىن جەرلەر بار. سوندىقتان اتتى پاترۋلدەر باقىلاۋعا شىقتى. بۇگىنگى تاڭدا بۇل جۇمىس الاتاۋ اۋدانىنىڭ «راحات» جانە «مادەنيەت» شاعىن اۋداندارى سياقتى شالعاي ەلدى-مەكەندەر اۋماعىندا جۇرگىزىلىپ جاتىر. وسى اۋىلدار ارقىلى الماتى وبلىسىنىڭ اۋماعىنا كىرۋ ءۇشىن كەدەرگىلەردى اينالىپ وتۋگە بولادى. وسىعان بايلانىستى اينالما جولداردا قورعانىس بەتون پليتالارى ورناتىلىپ، ات پاترۋلدەرى ۇيىمداستىرىلعان. پوليتسيا قىزمەتكەرلەرى زاڭدىلىق پەن ءتارتىپتى قاداعالايدى»، – دەدى الاتاۋ اۋداندىق پوليتسيا باسقارماسىنىڭ باسشىسى ۇلان ابىلقايىر.

سوڭعى جاڭالىقتار