27 ناۋرىز, 14:09 474 0 زاڭ انار لەپەسوۆا

اقتوبەدە مەكتەپ وقۋشىسىن زورلاعان قاسكويگە سوت ۇكىمى شىقتى

اقتوبەدە مەكتەپ وقۋشىسىن زورلاعان سوتتالۋشى 27 جىلعا باس بوستاندىعىنان ايىرىلدى.

بۇل تۋرالى وبلىستىق سوتتىڭ ءباسپاسوز قىزمەتى حابارلادى.

«اقتوبە وبلىستىق قىلمىستىق ىستەر جونىندەگى مامانداندىرىلعان اۋدانارالىق سوتىنىڭ 2020 جىلدىڭ 27 ناۋرىزىنداعى ۇكىمىمەن سارجان قۇرمانوۆ جابىرلەنۋشىنىڭ دارمەنسىزدىگىن پايدالانىپ كۇش قولدانعانى، زورلاعانى، سەكسۋالدىق سيپاتتاعى زورلىق ءىس-ارەكەت جاساعانى ءۇشىن كىنالى دەپ تانىلدى. سوتپەن 23 جىل مەرزىمگە باس بوستاندىعىنان ايىرۋ جازاسى تاعايىندالدى. سوتتالعاننان جارىبەرۋشىنىڭ پايداسىنا 5 ميلليون تەڭگە مورالدىق زيان ءوندىرىلدى. ۇكىم زاڭدى كۇشىنە ەنگەن جوق»، - دەلىنگەن سوت اقپاراتىندا.

ەسكە سالا كەتەيىك، وقيعا وتكەن جىلدىڭ جەلتوقسان ايىندا تىركەلگەن بولاتىن. اقتوبەلىك پوليتسەيلەر 12 جەلتوقساندا كامەلەتكە تولماعان بالاعا قاتىستى اسا اۋىر قىلمىستى اشتى. جەدەل-تەرگەۋ ءىس-شارالارى بارىسىندا پوليتسيا قىزمەتكەرلەرى بۇرىن سوتتالماعان 21 جاسار كۇدىكتىنى ۇستادى.

بۇل قىلمىستى اشۋعا ءىىم كريمينالدىق پوليتسيا دەپارتامەنتى باستىعىنىڭ ورىنباسارى باسشىلىق ەتكەن ارنايى جەدەل-تەرگەۋ توبى اينالىستى. قر قك 120-باپ 4-تارماعى جانە 121-باپ 4-تارماعى بويىنشا سوتقا دەيىنگى تەرگەۋ جۇرگىزىلدى.

 

سوڭعى جاڭالىقتار