27 ناۋرىز, 13:25 6930 0 قاۋىپسىزدىك انار لەپەسوۆا

نۇر-سۇلتان مەن الماتىدا بارلىق كاسىپورىندار مەن ۇيىمداردىڭ جۇمىسى توقتاتىلادى

نۇر-سۇلتان جانە الماتى قالالارىندا 30 ناۋرىز بەن 5 ءساۋىر ارالىعىندا كاسىپورىندار مەن ۇيىمداردىڭ جۇمىسى ۋاقىتشا توقتاتىلادى. بۇل تۋرالى ۇكىمەت باسشىسىنىڭ رەسمي سايتىندا حابارلاندى. 

قر پرەمەر-ءمينيسترى اسقار ءماميننىڭ توراعالىعىمەن قر پرەزيدەنتى جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ سەلەكتورلىق وتىرىسى ءوتتى.

ەلىمىزدەگى سانيتارلىق-ەپيدەميولوگيالىق جاعداي تۋرالى دەنساۋلىق ساقتاۋ ءمينيسترى ە. ءبىرتانوۆ، نۇر-سۇلتان جانە الماتى قالالارىنداعى احۋال تۋرالى اكىمدەر ا. كولگىنوۆ پەن ب. ساعىنتاەۆ باياندادى.

مەملەكەتتىك كوميسسيا كوروناۆيرۋستىق ينفەكتسيانىڭ تارالۋىن شەكتەۋ ماقساتىندا نۇر-سۇلتان جانە الماتى قالالارىندا بيىلعى 30 ناۋرىز بەن 5 ءساۋىر ارالىعىندا ورتالىق مەملەكەتتىك ورگاندار، اكىمدىكتەر، قۇقىق قورعاۋ ورگاندارى، دەنساۋلىق ساقتاۋ ۇيىمدارى، باق، ازىق-تۇلىك دۇكەندەرى، ءدارىحانالار مەن تىرشىلىكتى قامتاماسىز ەتۋ ۇيىمدارىن قوسپاعاندا، مەنشىك تۇرىنە قاراماستان بارلىق كاسىپورىندار مەن ۇيىمداردىڭ جۇمىسىن ۋاقىتشا توقتاتۋ تۋرالى شەشىمدى بەكىتتى.

تولىق ءتىزىم قالالاردىڭ اكىمدىكتەرىمەن كەلىسە وتىرىپ انىقتالادى.

 

سوڭعى جاڭالىقتار