26 ناۋرىز, 21:19 4143 0 قاۋىپسىزدىك انار لەپەسوۆا

نۇر-سۇلتان مەن الماتى تۇرعىندارىنىڭ ۇيدەن سەبەپسىز شىعۋىنا شەكتەۋ قويىلدى

ەلىمىزدە كوروناۆيرۋس ينفەكتسياسىنىڭ تارالۋىنا بايلانىستى نۇر-سۇلتان مەن الماتىدا كامەلەتكە تولماعاندارعا ەرەسەكتەرسىز جۇرۋگە تىيىم سالىندى. 

بۇگىن ەلىمىزدە كوروناۆيرۋس ينفەكتسياسىن تاراتپاۋ جونىندەگى مەملەكەتتىك كوميسسيانىڭ وتىرىسى ءوتتى. وندا جاڭا شەكتەۋ شارالارى ەنگىزىلدى.

28 ناۋرىزدان باستاپ الماتى مەن نۇر-سۇلتان تۇرعىندارىنا ازىق-تۇلىك، ءدارى-دارمەك ساتىپ الۋدى جانە جۇمىسقا بارۋدى قوسپاعاندا، ازاماتتاردىڭ تۇرعىن ۇيدەن شىعۋىن شەكتەۋ قويىلادى.

سونداي-اق، حالىق كوپ جينالاتىن ورىنداردى جابىلادى (ساياباقتار، سكۆەرلەر، جاياۋ جۇرەتىن كوشەلەر، جاعالاۋلار، ويىن الاڭدارى جانە ت. ب.).

سونىمەن قاتار، كوشەلەردە جانە باسقا دا قوعامدىق ورىنداردا ءۇش ادامنان ارتىق توپتاسىپ جينالۋعا ءارى كامەلەتتىك جاسقا تولماعانداردىڭ ۇلكەندەرسىز سىرتتا جۇرۋىنە تىيىم سالىنادى.

ايتا كەتەيىك، قازاقستاندا كوروناۆيرۋس جۇقتىرعاندار سانى 109 ادامعا جەتتى.

ىندەت جۇقتىرعان وتانداسىمىزدىڭ ءبىرى كوز جۇمدى

سوڭعى جاڭالىقتار