26 ناۋرىز, 12:09 349 0 ىشكى ساياسات انار لەپەسوۆا

مينيسترلىك جانداربەك بەكشيننىڭ قىزمەتىنەن كەتۋ سەبەبىن ءتۇسىندىردى

دەنساۋلىق ساقتاۋ مينيسترلىگى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ باسشىسى ليۋدميلا بيۋرابەكوۆا جانداربەك بەكشيننىڭ نە سەبەپتى ەلدىڭ باس سانيتارلىق دارىگەرى قىزمەتىنەن كەتكەنىن ايتىپ بەردى.

بۇل تۋرالى "ۆرەميا" باسىلىمى حابارلادى. 

بيۋرابەكوۆانىڭ ايتۋىنشا، قىزمەتتەن كەتۋ تۋرالى شەشىمدى بەكشين ءوز ەركىمەن قابىلداعان.

جۋرناليست كوروناۆيرۋسقا بايلانىستى جانداربەك مۇحتارۇلىنىڭ ەسىمى بۇقارالىق اقپارات قۇرالدارىندا ءجيى اتالعانىن ەسكە سالىپ، ونىڭ قىزمەتتەن كەتۋ تۋرالى شەشىم قابىلداۋىنا وسى جايت اسەر ەتتى مە دەگەن سۇراق قويدى.

ءوز كەزەگىندە كوميتەت ءتورايىمى بەكشيننىڭ قىزمەتىنەن كەتۋى الماتى قالاسى باس سانيتارلىق دارىگەرىنىڭ كارانتينگە جاتقىزىلۋىمەن تۇسپا-تۇس كەلگەنىن جەتكىزدى.

"سوندىقتان جانداربەك مۇحتارۇلىن وڭتۇستىك استاناعا جىبەرۋگە شەشىم قابىلداندى – ول جەردە سانيتارلىق باقىلاۋدى كۇشەيتۋ قاجەت بولدى.بۇدان كەيىن بەكشين الماتى وبلىسىنا اۋىستىرىلادى. ول جەردە كوروناۆيرۋس جۇقتىرۋدىڭ العاشقى دەرەگى تىركەلگەن. سونداي-اق بۇل وڭىردە باقىلاۋدى كۇشەيتۋ اسا ماڭىزدى. سەبەبى بۇل وبلىس اسپان استى ەلىمەن شەكارالاسادى", – دەپ ءتۇسىندىردى بيۋرابەكوۆا.

سوڭعى جاڭالىقتار