26 ناۋرىز, 10:01 200 0 دەنساۋلىق انار لەپەسوۆا

الەمدە كوروناۆيرۋستان 21 400 ادام كوز جۇمدى

دۇنيەجۇزىندە كوروناۆيرۋس ىندەتىن جۇقتىرعاندار سانى 475 مىڭنان اسىپ جىعىلدى. سوڭعى تاۋلىكتە كەسەلدەن 2400-دەن استام ادام كوز جۇمدى. 

دۇنيەجۇزىلىك دەنساۋلىق ساقتاۋ ۇيىمىنىڭ سوڭعى دەرەگىنە سۇيەنسەك، الەمدە COVID-19-عا شالدىققاندار سانى 475 087-ءنى قۇرادى. ستاتيستيكا ءبىر تاۋلىكتە 50 865 ادامعا ارتىپ وتىر.

ىندەتتەن كوز جۇمعاندار سانى 21 400-گە جەتتى. سوڭعى تاۋلىكتە كوروناۆيرۋستان 2407 ادام قايتىس بولعان.

ال دەرتتەن جازىلىپ شىققاندار سانى –110 658, ولاردىڭ 4852-ءسى  –سوڭعى تاۋلىكتە اۋرۋحانالاردان شىعارىلعاندار. 

ايتا كەتەيىك، بۇعان دەيىن قازاقستاندا كوروناۆيرۋس جۇقتىرعاندار سانى 88-گە جەتكەنىن حابارلاعانبىز. 

سوڭعى دەرەك بويىنشا، كەسەلدى نۇر-سۇلتان قالاسى بويىنشا 46 ادام، الماتى قالاسىندا – 34, قاراعاندى قالاسىندا – 2, شىمكەنت قالاسىندا – 2, الماتى وبلىسىندا – 1, اقتوبە وبلىسىندا – 1, جامبىل وبلىسىندا – 1, سولتۇستىك قازاقستان وبلىسىندا – 1 ادام جۇقتىردى. 

سوڭعى جاڭالىقتار